കരൂര്: കരൂർ ദുരന്തത്തിൽ മരിച്ചവരുടെ കുടുംബത്തിനും പരിക്കേറ്റവർക്കും ധനസഹായം പ്രഖ്യാപിച്ച് ടിവികെ നേതാവും നടനുമായ വിജയ്. മരിച്ചവരുടെ കുടുംബത്തിന് 20 ലക്ഷം രൂപ വീതം നൽകുമെന്നും പരിക്കേറ്റവര്ക്ക് രണ്ട് ലക്ഷം രൂപ വീതം നൽകുമെന്നും ടിവികെ അറിയിച്ചു. ഈ സമയത്ത് ഇത് കടമയാണെന്ന് വിജയ് പ്രതികരിച്ചു.
സംഭവത്തില് തമിഴ്നാട് സര്ക്കാര് അടിയന്തര സഹായം പ്രഖ്യാപിച്ചിട്ടുണ്ട്. മരിച്ചവരുടെ കുടുംബാംഗങ്ങള്ക്ക് പത്ത് ലക്ഷം രൂപയും പരിക്കേറ്റവരുടെ കുടുംബാംഗങ്ങള് ഒരു ലക്ഷം രൂപയാണ് പ്രഖ്യാപിച്ചിരിക്കുന്നത്.
കരൂര് അപകടത്തില് മരണസംഖ്യ 39 ആയി. 38 പേര് മരിച്ചതായി ഔദ്യോഗികമായി സ്ഥിരീകരിചിരുന്നു. പന്ത്രണ്ട് പുരുഷന്മാര്, പതിനാറ് സ്ത്രീകള്, അഞ്ച് ആണ്കുട്ടികള്, അഞ്ച് പെണ്കുട്ടികള് എന്നിവരാണ് മരിച്ചത്. പരിക്കേറ്റവര് കരൂരിലെ വിവിധ ആശുപത്രികളില് ചികിത്സയിലാണ്.
സംഭവത്തില് പൊലീസ് കേസെടുത്തിട്ടുണ്ട്. കരൂര് വെസ്റ്റ് ജില്ലാ സെക്രട്ടറി വി പി മതിയഴകന് അടക്കമുള്ളവര്ക്ക് എതിരെയാണ് കേസെടുത്തിരിക്കുന്നത്. കരൂര് ടൗണ് പൊലീസിന്റേതാണ് നടപടി. നാല് വകുപ്പുകള് ചുമത്തിയാണ് കേസെടുത്തിരിക്കുന്നത്. മാനദണ്ഡങ്ങള് ലംഘിച്ചുവെന്ന് ചൂണ്ടിക്കാട്ടിയാണ് നടപടി. നടന് വിജയ്ക്കെതിരെയും കേസെടുക്കും.
