ബിബിസി ഡോക്യുമെന്ററി പ്രദർശനത്തിൽ നടന്ന പ്രതിഷേധങ്ങൾക്കെതിരെ കേസെടുത്ത് പൊലീസ്. തിരുവനന്തപുരം മാനവീയം വീഥിയിലേയും പൂജപ്പുരയിലേയും പ്രതിഷേധങ്ങള്ക്കെതിരെയാണ് പൊലീസ് കേസെടുത്തത്. മാനവീയംവീഥിയില് യൂത്ത് കോണ്ഗ്രസും പൂജപ്പുരയില് ഡി.വൈ.എഫ്.ഐ.യും ഡോക്യുമെന്ററി ചൊവ്വാഴ്ച പ്രദര്ശിപ്പിച്ചിരുന്നു. രണ്ടിടത്തും യുവമോര്ച്ച പ്രതിഷേധവുമായെത്തിയത് സംഘര്ഷത്തിനിടയാക്കിയിരുന്നു. രണ്ടു സ്ഥലങ്ങളിലേയും പ്രതിഷേധങ്ങളില് കണ്ടാലാറിയുന്ന നൂറോളം പേര്ക്കെതിരെയാണ് കേസെടുത്തിരിക്കുന്നത്.തിരുവനന്തപുരത്ത് ജലപീരങ്കി അടക്കം ഉപയോഗിച്ചാണ് ബി.ജെ.പി പ്രവർത്തകരെ പൊലീസ് പിരിച്ചുവിട്ടത്.നിയമ വിരുദ്ധമായി സംഘം ചേരൽ, സംഘർഷം തുടങ്ങിയ വകുപ്പുകളാണ് ചുമത്തിയിട്ടുള്ളത്. സ്വാഭാവിക നിയമ നടപടിയെന്നാണ് പൊലീസ് പറയുന്നത്.
ബിബിസി വിവാദ ഡോക്യുമെന്ററി പ്രദർശനം;തിരുവനന്തപുരത്ത് പ്രതിഷേധിച്ച ബിജെപി പ്രവർത്തകർക്കെതിരെ കേസെടുത്തു
