ജഹാംഗീർപുരിയിൽ തൽസ്ഥിതി തുടരാൻ സുപ്രീംകോടതിയുടെ ഉത്തരവ്. ഇനിയൊരു ഉത്തരവുണ്ടാവുന്നതു വരെ തല്സ്ഥിതി തുടരാന് ജസ്റ്റിസ് എല് നാഗേശ്വര് റാവുവിന്റെ നേത്വത്തിലുള്ള ബെഞ്ച് ഉത്തരവിട്ടു. കെട്ടിടങ്ങള് ഇടിച്ചുനിരത്തുന്നത് അടിയന്തര ഇടപെടലിലൂടെ ഇന്നലെ ചീഫ് ജസ്റ്റിസ് എന്വി രമണ തടഞ്ഞിരുന്നു.കേസ് രണ്ടാഴ്ച്ചയ്ക്ക് ശേഷം വീണ്ടും പരിഗണിക്കും. സുപ്രീംകോടതി ഉത്തരവിനു ശേഷവും പൊളിക്കൽ നടപടികൾ തുടർന്നത് ഗൗരവമായി കാണുന്നുവെന്ന് കോടതി പറഞ്ഞു.ഹനുമാന് ജയന്തി ദിനത്തില് സംഘര്ഷമുണ്ടായ ജഹാംഗീര്പുരിയില് മുന്നറിയിപ്പില്ലാതെയാണ് ഇന്നലെ കിഴക്കന് ഡല്ഹി മുനിസിപ്പല് കോര്പ്പറേഷന് കെട്ടിടങ്ങള് പൊളിക്കാന് തുടങ്ങിയത്.ജഹാംഗീർപുരിയിലെ കെട്ടിടം പൊളിക്കൽ കേസില് സി.പി.എം പി.ബി അംഗം ബൃന്ദ കാരാട്ടും സുപ്രിംകോടതിയിൽ ഹരജി നൽകിയിരുന്നു. സുപ്രിംകോടതിയുടെ ഉത്തരവുമായി 10.45ന് ജഹാംഗീർപുരിയില് എത്തി, അധികൃതരെ ഉത്തരവ് കാണിച്ചിട്ടും 12.45 വരെ പൊളിക്കൽ നടപടി തുടർന്നെന്ന് ബൃന്ദ കാരാട്ട് കോടതിയെ അറിയിച്ചു.
ജഹാംഗീര്പുരിയിലെ കെട്ടിടങ്ങള് പൊളിക്കുന്നതിനുള്ള സ്റ്റേ തുടരും;ഉത്തരവിട്ടിട്ടും പൊളിക്കൽ തുടർന്നത് ഗുരുതരമെന്ന് സുപ്രീംകോടതി
