റോഡ് പരിപാലനത്തില് വീഴ്ച വരുത്തിയതില് മലപ്പുറത്തെ മൂന്ന് ഉദ്യോഗസ്ഥര്ക്ക് സസ്പെന്ഷന്. മഞ്ചേരി ഡിവിഷനിലെ എക്സിക്യൂട്ടീവ് എഞ്ചിനീയര്, പെരിന്തല്മണ്ണ ഉപവിഭാഗത്തിലെ അസിസ്റ്റന്റ് എക്സിക്യൂട്ടീവ് എഞ്ചിനീയര്, പെരിന്തല്മണ്ണ സെക്ഷന് അസിസ്റ്റന്റ് എഞ്ചിനീയര് എന്നിവര്ക്കാണ് സസ്പെന്ഷന്.
പൊതു ജനങ്ങളില് നിന്നു ലഭിച്ച പരാതികള് അന്വേഷിക്കാന് നിരത്ത് വിഭാഗം ചീഫ് എഞ്ചിനീയര്ക്ക് നിര്ദേശം നല്കിയിരുന്നു. ചീഫ് എഞ്ചിനീയര് സമര്പ്പിച്ച റിപ്പോര്ട്ടിന്റെ അടിസ്ഥാനത്തിലാണ് സസ്പെന്ഷന് നടപടികള്. പൊതുജനങ്ങള് പരാതി ഉന്നയിച്ചപ്പോള് ഭരണാനുമതി ലഭിച്ചില്ലെന്ന തെറ്റായ മറുപടിയാണ് ഉദ്യോഗസ്ഥര് നല്കിയത്.
വിശദമായ അന്വേഷണത്തിന് പൊതുമരാമത്ത് വിജിലന്സ് വിഭാഗത്തെ ചുമതലപ്പെടുത്തിയിട്ടുണ്ട്. റണ്ണിംഗ് കോണ്ട്രാക്ട് പദ്ധതിയിലാണ് വീഴ്ച വരുത്തിയത്. പ്രവൃത്തിക്ക് തുക അനുവദിച്ചിട്ടും കൃത്യ സമയത്ത് സാങ്കേതിക അനുമതി നേടി ടെണ്ടറിങ് പ്രക്രിയ ആരംഭിച്ചില്ല. കേരളത്തിലെ റോഡ് പരിപാലനം സമയ ബന്ധിതമായി നടപ്പാക്കുന്നതിന് സര്ക്കാര് ആവിഷ്കരിച്ച പദ്ധതിയാണ് റണ്ണിംഗ് കോണ്ട്രാക്ട് പദ്ധതി. പരിശോധന ശക്തമാക്കുമെന്ന് പൊതുമരാമത്ത് മന്ത്രി മുഹമ്മദ് റിയാസ് അറിയിച്ചു
