കൊവിഡിന്റെ മാര്ഗ നിര്ദ്ദേശങ്ങള് കേരളം ലംഘിച്ചെന്ന വിമര്ശനവുമായി കേന്ദ്ര സര്ക്കാര്. കേരളം ബാര്ബര് ഷോപ്പുകള്ക്കും, വര്ക് ഷോപ്പുകള്ക്കും, ഹോട്ടലുകള്ക്കും ഇളവ് അനുവദിച്ചതാണ് കേന്ദ്ര വിമര്ശനത്തിന് കാരണം. ഇക്കാര്യത്തില് സംസ്ഥാനത്തോട് കേന്ദ്രം വിശദീകരണം തേടിയിട്ടുണ്ട്. കേരളത്തിന്റെ വിശദീകരണം ലഭിച്ച ശേഷം എന്ത് നടപടി വേണമെന്ന് തീരുമാനിക്കും.
പല സംസ്ഥാനങ്ങളിലും സ്ഥിതി ആശങ്കാജനകമായതിനാല് സംസ്ഥാനങ്ങള് കൂടുതല് മേഖലയില് ഇളവ് അനുവദിച്ച് ആശങ്ക വര്ധിപ്പിക്കരുതെന്നാണ് കേന്ദ്ര സര്ക്കാര് വ്യക്തമാക്കിയിരിക്കുന്നത്. ഹോട്ടലുകളും ബാര്ബര് ഷോപ്പുകളും തുറക്കുന്നതില് നേരത്തെ തന്നെ പല കോണുകളില് നിന്നും ആശങ്ക ഉയര്ന്നിരുന്നു. ഇതിനിടെയാണ് കേന്ദ്ര സര്ക്കാര് വിശദീകരണം തേടിയിരിക്കുന്നത്.
