ചെങ്കോട്ടയിലേക്ക് പ്രതിഷേധ മാര്ച്ചിനെത്തിയ ജാമിയ മിലിയ വിദ്യാര്ഥികളെയും ഇടത് പ്രവര്ത്തകരെയും ഡല്ഹി പോലീസ് അറസ്റ്റ് ചെയ്തു. യോഗേന്ദ്ര യാദവ്, സീതാറാം യെച്ചൂരി, ഡി രാജ അടക്കം പ്രമുഖ നേതാക്കളെയെല്ലാം അറസ്റ്റ് ചെയ്ത് നീക്കി. നൂറിലേറെ വിദ്യാര്ഥികളെയും പോലീസ് അറസ്റ്റ് ചെയ്തിട്ടുണ്ട്. നിരോദനാജ്ഞ ലംഘിച്ചാണ് മാര്ച്ച് നടത്തി.ത്. ഡല്ഹിയിലെ ചില ഭാഗങ്ങളില് മൊബൈല് ഫോണ് ഇന്റര്നെറ്റ് സേവനങ്ങള് റദ്ദാക്കി.
പ്രക്ഷോഭം തടയുന്നതിനുള്ള മുന്നൊരുക്കത്തിന്റെ ഭാഗമായി ഡല്ഹിയിലെ 14 മെട്രോ സ്റ്റേഷനുകള് അടച്ചിട്ടുണ്ട്. ജാമിയ മിലിയ യൂണിവേഴ്സിറ്റി, ജവഹര്ലാല് നെഹ്റു യൂണിവേഴ്സിറ്റി, സെന്ട്രല് യൂണിവേഴ്സിറ്റി എന്നിവയ്ക്ക് സമീപമുള്ള മെട്രോ സ്റ്റേഷനുകളാണ് അടച്ചത്. പ്രതിഷേധക്കാരെ തടയാന് പോലീസ് വാഹന പരിശോധന കര്ശനമാക്കിയതോടെ ഡല്ഹിയില് വലിയ ഗതാഗതക്കുരുക്കാണ് അനുഭവപ്പെടുന്നത്.