നിയമസഭാ മണ്ഡലങ്ങളിലേക്കുള്ള ഉപതെരഞ്ഞെടുപ്പിന്റെ പരസ്യ പ്രചാരണം ഇന്ന് അവസാനിക്കും. വൈകിട്ട് മൂന്ന് മണിയോടെ പ്രമുഖരെ അണിനിരത്തിയുള്ള കൊട്ടിക്കലാശം ആരംഭിക്കും. നാളെ നിശബ്ദ പ്രചാരണവും തിങ്കളാഴ്ച വോട്ടെടുപ്പും നടക്കും. ഒക്ടോബര് 24 നാണ് ഫലപ്രഖ്യാപനം. ഉപതെരഞ്ഞെടുപ്പ് പ്രചാരണത്തിൻ്റെ അവസാന മണിക്കൂറിൽ വോട്ടുറപ്പിക്കാനുള്ള ശ്രമത്തിലാണ് മുന്നണികള്.
ത്രികോണ മത്സരം നടക്കുന്ന വട്ടിയൂര്ക്കാവ്, കോന്നി, മഞ്ചേശ്വരം എന്നീ മണ്ഡലങ്ങളിൽ ആവേശകരമായ പ്രചാരണമാണ് മൂന്നു മുന്നണികളും നടത്തുന്നത്. വട്ടിയൂര്ക്കാവിൽ യുഡിഎഫ് സ്ഥാനാര്ത്ഥി കെ മോഹനകുമാര്, എൽഡിഎഫ് സ്ഥാനാര്ത്ഥി വി കെ പ്രശാന്ത്, എൻഡിഎ സ്ഥാനാര്ത്ഥി എസ് സുരേഷ് എന്നിവരാണ് മത്സരരംഗത്തുള്ളത്.
കോന്നിയിൽ യുഡിഎഫിൽ നിന്ന് കെ മോഹൻരാജൻ, എൽഡിഎഫിൽ നിന്ന് കെ യു ജനീഷ് കുമാര്, എൻഡിഎയിൽ നിന്ന് കെ സുരേന്ദ്രൻ എന്നിവരാണ് മത്സരരംഗത്തുള്ള പ്രമുഖ സ്ഥാനാർത്ഥികൾ. അരൂരിൽ യുഡിഎഫ് സ്ഥാനാര്ത്ഥി ഷാനി മോൾ ഉസ്മാൻ, എൽഡിഎഫ് സ്ഥാനാര്ത്ഥി മനു സി പുളിക്കൽ, എൻഡിഎ സ്ഥാനാര്ത്ഥി പ്രകാശ് ബാബു എന്നിവരാണ് പ്രമുഖര്. പ്രചാരണത്തിൽ യുഡിഎഫും എൽഡിഎഫും ഒപ്പത്തിനൊപ്പമാണ് നിൽക്കുന്നത്. ഈഴവ വോട്ടുകള് ബിഡിജെഎസിലൂടെ അനുകൂലമാകുമെന്ന പ്രതീക്ഷയിലാണ് ബിജെപി.