ഒന്നര വയസുകാരനെ കടല്ഭിത്തിയിലെറിഞ്ഞു കൊന്ന കേസില് അറസ്റ്റിലായ മാതാവ് ശരണ്യയുമായി പോലീസ് ഇന്ന് തെളിവെടു നടത്തും.. വൈകിട്ട് ശരണ്യയെ കോടതിയില് ഹാജരാക്കുമെന്ന് പോലിസ് അറിയിച്ചു.
കാമുകനൊപ്പം ജീവിക്കാന് കുഞ്ഞിനെ കൊലപ്പെടുത്തുകയായിരുന്നു എന്നാണ് ശരണ്യ ചോദ്യം ചെയ്യലില് സമ്മതിച്ചത്. ഫോറന്സിക് പരിശോധനയില് ശരണ്യയുടെ വസ്ത്രത്തില് കടല്വെള്ളത്തിന്റേയും മണലിന്റെയും സാന്നിധ്യം കണ്ടെത്തിയതാണ് കുറ്റം തെളിയുന്നതില് നിര്ണായകമായത്.
ശരണ്യയും ഭര്ത്താവ് പ്രണവും തമ്മില് നേരത്തെ മുതല് അസ്വരാസ്യങ്ങള് നിലനിന്നിരുന്നുവെന്നും ഇതിനിടെ മറ്റൊരു ബന്ധത്തിലായ ശരണ്യ, കാമുകനൊപ്പം ജീവിക്കാന് വേണ്ടി ഒന്നരവയസുള്ള കുഞ്ഞിനെ കൊലപ്പെടുത്തുകയായിരുന്നുവെന്നും പൊലീസ് വ്യക്തമാക്കി.