ചെന്നൈ : വിമാനയാത്രക്കിടെ വിളമ്പിയ ഭക്ഷണത്തിൽ നിന്നും മുടി കിട്ടിയ സംഭവത്തിൽ പരാതിക്കാരന് നഷ്ടപരിഹാരം നൽകണമെന്ന് കോടതി ഉത്തരവ്. എയർ ഇന്ത്യ വിമാനത്തിൽ വിതരണം ചെയ്ത ഭക്ഷണത്തിൽ മുടി കണ്ടെത്തി സംഭവത്തിലാണ് നടപടിയുണ്ടായിരിക്കുന്നത്. 35,000 രൂപ ആണ് പരാതിക്കാരന് നഷ്ടപരിഹാരമായി കമ്പനി നൽകേണ്ടത്.
ഒരു ലക്ഷം രൂപ നഷ്ടപരിഹാരം നൽകണമെന്ന സിവിൽ കോടതി വിധിക്കെതിരെ എയർ ഇന്ത്യ അപ്പീൽ നൽകിയിരുന്നു. ഇതിന് പിന്നാലെയാണ് നഷ്ടപരിഹാരത്തുക 35,000 രൂപയായി ഹൈക്കോടതി കുറച്ചത്കൊളംബോയിൽ നിന്ന് ചെന്നൈയിലേക്കുള്ള എയർ ഇന്ത്യ വിമാനത്തിൽ യാത്ര ചെയ്ത ആൾക്കാണ് വിമാനത്തിൽ വിളമ്പിയ ഭക്ഷണത്തിൽ നിന്ന് മുടി കിട്ടിയത്. സംഭവത്തെകുറിച്ച് ഇയാൾ വിമാന ജീവനക്കാരോടു പരാതിപ്പെട്ടെങ്കിലും നടപടിയൊന്നും ഉണ്ടാകാത്തതിനെത്തുടർന്നായിരുന്നു പരാതിക്കാരൻ കോടതിയെ സമീപിച്ചതും അനുകൂല വിധിയുണ്ടായതും.
