കുന്ദമംഗലം: കുന്ദമംഗലം പഞ്ചായത്ത് മുസ്ലിം ലീഗ് കമ്മിറ്റിയുടെ ആഭിമുഖ്യത്തിൽ ഹജ്ജ് തീർത്ഥാടകർക്കായി യാത്രയയപ്പ് സംഗമം സംഘടിപ്പിച്ചു. കുന്ദമംഗലം ശിഹാബ് തങ്ങൾ സൗദത്തിൽ നടന്ന ചടങ്ങ് ജില്ലാ മുസ്ലിം ലീഗ് പ്രസിഡന്റ് എം. എ. റസാഖ് ഉദ്ഘാടനം ചെയ്തു. പഞ്ചായത്ത് മുസ്ലിം ലീഗ് പ്രസിഡന്റ് അരിയിൽ മൊയ്തീൻ ഹാജി അധ്യക്ഷത വഹിച്ചു. ജനറൽ സെക്രട്ടറി ഒ. സലീം സ്വാഗതം പറഞ്ഞു.
ശിഹാബുദ്ധീൻ മദനി പ്രാർത്ഥനയ്ക്ക് നേതൃത്വം നൽകി. ഹജ്ജിന്റെ കർമ്മങ്ങളും പാലിക്കേണ്ട മര്യാദകളും സംബന്ധിച്ച് കേരള ഹജ്ജ് കമ്മിറ്റി നോഡൽ ഓഫീസർ അസ്സൈൻ ഹാജി പുളിക്കിൽ പഠനക്ലാസ് എടുത്തു.
ചടങ്ങിൽ ഖാലിദ് കിളിമുണ്ട, ഒ. ഹുസൈൻ, എ.കെ. ഷൗക്കത്തലി, എ.ടി. ബഷീർ ഹാജി, കെ.പി. കോയ, എ.പി. സഫിയ, സി. അബ്ദുൽ ഗഫൂർ, കമറുദ്ധീൻ ഇ., അൽഫാസ്, അബു ഹാജി, ഹബീബ് കാരന്തൂർ, കെ.കെ. ഷമീൽ, ബൈജൂ എം.വി., ശിഹാബ് റഹ്മാൻ ഇ., ബഷീർ മാസ്റ്റർ, ഷമീന വെള്ളക്കാട്ട്, സുൽഫി കുന്ദമംഗലം, ഐ. മുഹമ്മദ് കോയ, ഷംസീറ, യു. മാമു ഹാജി, പി. മമ്മികോയ, എൻ.പി. ഗഫൂർ, ഉമൈറ കുന്ദമംഗലം തുടങ്ങിയവർ സംസാരിച്ചു
