കുന്ദമംഗലം: വയനാട് റോഡിലെ പെട്രോൾ പമ്പിന് സമീപമുള്ള ട്രാൻസ്ഫോർമറിന് തീപിടിച്ച സംഭവം നാട്ടുകാരുടെ സമയോചിത ഇടപെടലിലൂടെ വലിയ അപകടം ഒഴിവാക്കി.
ഇന്ന് രാവിലെ നടന്ന സംഭവത്തിൽ, ട്രാൻസ്ഫോർമറിൽ നിന്ന് പെട്ടെന്നുണ്ടായ തീ പടരാൻ സാധ്യതയുണ്ടായിരുന്നുവെങ്കിലും സമീപത്തുണ്ടായിരുന്ന നാട്ടുകാർ ഉടൻ പ്രവർത്തിച്ചു. സമീപത്തെ പെട്രോൾ പമ്പിൽ നിന്ന് കൊണ്ടുവന്ന ഫയർ എക്സ്റ്റിംഗ്വിഷർ ഉപയോഗിച്ചാണ് തീ അണച്ചത്. സംഭവസമയം നാഷണൽ ഹൈവേയിലൂടെ നിരവധി വാഹനങ്ങൾ കടന്നുപോയിരുന്നുവെങ്കിലും അപകടം ഒന്നും സംഭവിച്ചിട്ടില്ല. രാവിലെ സമയമായതിനാൽ കാൽനട യാത്രക്കാരും കുറവായിരുന്നു. നാട്ടുകാരുടെ ഇടപെടലാണ് വലിയ ദുരന്തം ഒഴിവാക്കാൻ സഹായിച്ചതെന്നാണ് വിലയിരുത്തൽ.
കുന്ദമംഗലത്ത് ട്രാൻസ്ഫോർമറിന് തീപിടിച്ച സംഭവം; നാട്ടുകാരുടെ ഇടപെടലിലൂടെ ഒഴിവായത് വൻ അപകടം
