സംസ്ഥാനത്ത് കോവിഡ് മരണം തുടരുന്നു. തിരുവനന്തപുരത്ത് രണ്ട് കൊവിഡ് മരണം റിപ്പോർട്ട് ചെയ്തു. തമിഴ്നാട് സ്വദേശിയായ വിജയ (31), കാട്ടാക്കട സ്വദേശി പ്രതാപൻ ചന്ദ്രൻ (62) എന്നിവരാണ് മരിച്ചത്.
വിഴിഞ്ഞത്ത് താമസിച്ചിരുന്ന ചെന്നൈ സ്വദേശിയായ വിജയ എസ്എടി ആശുപത്രിയിൽ വെച്ച് ഇന്നലെ രാത്രിയാണ് മരണപ്പെട്ടത്. കഴിഞ്ഞ ദിവസം വിജയ പെൺകുഞ്ഞിന് ജന്മം നൽകിയിരുന്നു. കുഞ്ഞ് പ്രസവ സമയത്ത് തന്നെ മരിച്ചിരുന്നു.
ഹൃദയ, ശ്വാസകോശ രോഗങ്ങൾ ഉണ്ടായിരുന്ന പ്രതാപന്റെ മരണം മെഡിക്കൽ കോളജിൽ വെച്ച് ഇന്ന് രാവിലെയായിരുന്നു. ഇദ്ദേഹത്തിന്റെ കുടുംബത്തിലെ 9 അംഗങ്ങൾക്കും കൊവിഡ് സ്ഥിരീകരിച്ചിരുന്നു.