സംസ്ഥാനത്ത് ഇന്ന് 791 പേര്ക്ക് കോവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയന് അറിയിച്ചു. 11066 ഇതുവരെ രോഗം സ്ഥിരീകരിച്ചു. സ്ഥിരീകരിച്ചവരില് 135 പേര് വിദേശത്ത് നിന്നും വന്നവരാണ്. 98 പേര് മറ്റ് സംസ്ഥാനങ്ങളില് നിന്നും വന്നു. 15 ആരോഗ്യ പ്രവര്ത്തകര്ക്കും രോഗം ബാധിച്ചു. സമ്പര്ക്ക് രോഗികളില് 42 പേരുടെ ഉറവിടം വ്യക്തമല്ല. സംസ്ഥാനത്ത് ഇന്ന് 133 പേരാണ് രോഗമുക്തി നേടിയത്.
സംസ്ഥാനത്ത് പുല്ലുവിള, പൂന്തുറ എന്നീ സ്ഥലങ്ങളില് ,സാമൂഹ്യ വ്യാപനം ഉണ്ടായതായും സംസ്ഥാനത്ത് സ്ഥിതി ഏറെ രൂക്ഷമാവുകയാണെന്നും മുഖ്യമന്ത്രി അറിയിച്ചു. തീരമേഖലകലില് അതീവ രോഗവ്യാപനം ഉണ്ടവുന്നുണ്ട് എന്നും അദ്ദേഹം പറഞ്ഞു.
ഇന്ന് കോവിഡ് മൂലം ഒരു മരണം റിപ്പോര്ട്ട് ചെയ്തു. തൃശ്ശൂര് ജില്ലയിലെ പുല്ലൂര് സ്വദേശി ഷൈജു ആണ് മരിച്ചത്. ആത്മഹത്യചെയ്ത കുനിശ്ശേരി സ്വദേശി മുരളിയുടെ പരിശോധനാ ഫലം പോസിറ്റീവ് ആണ്.
തിരുവനന്തപുരം 246, എറണാകുളും 115, പത്തനംതിട്ട 87, ആലപ്പുഴ 57, കൊല്ലം 47, കോട്ടയം 39, കോഴിക്കോട് 32, തൃശ്ശൂര് 32, കാസര്കോട് 32, പാലക്കാട് 31, വയനാട് 28, മലപ്പുറം 25, ഇടുക്കി 11, കണ്ണൂര് 9 എന്നിങ്ങനെയാണ് രോഗം സ്ഥിരീകരിച്ചവരുടെ കണക്ക്.
133 പേര് രോഗമുക്തി നേടി.തിരുവനന്തപുരം 8, കൊല്ലം 7, ആലപ്പുഴ 6. കോട്ടയം 8, ഇടക്കി 5, എറണാകുളം 5, തൃശ്ശൂര് 32, മലപ്പുറം 32, കോഴിക്കോട് 9, വയനാട് 4, കണ്ണൂര് 8, കാസര്കോട് 9 എന്നിങ്ങനെയാണ് നെഗറ്റീവ് ആയവരുടെ ജില്ലതിരിച്ചുള്ള കണക്ക്.
കഴിഞ്ഞ 24 മണിക്കൂറിനിടെ 16642 സാമ്പിളുകള് പരിശോധിച്ചു. 178481 പേരാണ് നിരീക്ഷണത്തിലുള്ളത്. ഇതില് 60124 പേരാണ് ആശുപത്രികളില് നിരീക്ഷണത്തില് കഴിയുന്നത്. ഇന്നു മാത്രം 1152 പേരെ ആശുപത്രിയില് പ്രവേശിപ്പിച്ചു.