ജി ആർ ഡി പ്രൈമറി ഹെൽത്ത് സെന്റർ വെള്ളിമാടുക്കുന്നിനെതിരെ കഴിഞ്ഞ ദിവസം പ്രമുഖ ദിനപത്രത്തിൽ വന്ന വാർത്തക്കെതിരെ പ്രതിഷേധം.സൗജന്യമായി വാക്സിൻ ബുക്ക് ചെയ്ത തൊഴിലാളിയിൽ നിന്നും ആരോഗ്യവകുപ്പ് അധികൃതർ പണം വാങ്ങിയെന്ന വാർത്തയാണ് തെറ്റായി പ്രചരിക്കുന്നത്.
കഴിഞ്ഞ 14ന് രാവിലെ 9 നും 10 നും ഇടക്കായി ജി ആർ ഡി പ്രൈമറി ഹെൽത്ത് സെന്ററിൽ സ്ലോട്ട് ലഭിച്ച് വാക്സിൻ എടുക്കാൻ വന്ന ആൾ സ്വകാര്യ ആശുപത്രി യിൽ നിന്നും വാക്സിൻ എടുത്ത സംഭവത്തിൽ പ്രൈമറി ഹെൽത്ത് സെന്ററിലെ ആരോഗ്യപ്രവർത്തകരാണ് ഇയാളെ സ്വകാര്യ ആശുപത്രിയിലെത്തി വാക്സിൻ എടുക്കാൻ നിർബന്ധിച്ചതെന്ന തരത്തിലുള്ള വ്യാജ വാർത്തയാണ് പത്രത്തിൽ പുറത്ത് വന്നത് .ഇതിനെതിരെയാണ് ദിനപത്രത്തിലെ വ്യാജവാർത്തക്കെതിരെ നടപടി എടുക്കുക,ആരോഗ്യ പ്രവർത്തക്കെതിരെയുള്ള വ്യജ വാർത്ത പ്രചാരണം നിർത്തലാക്കുക എന്ന ആവശ്യങ്ങളുമായി ആരോഗ്യപ്രവർത്തകർ പ്രതിഷേധവുമായി രംഗത്തെത്തിയിരിക്കുന്നത്
