തിരുവനന്തപുരം: പ്രണയം നിരസിച്ചതിന് പ്ലസ് ടു വിദ്യാര്ത്ഥിനിയെ കുത്തിപ്പരിക്കേല്പ്പിച്ച് യുവാവ്. തിരുവനന്തപുരം കന്യാകുളങ്ങരയിലാണ് സംഭവം. കന്യാകുളങ്ങര സ്വദേശിനിയായ പതിനാറുകാരിയെയാണ് കഴുത്തില് കുത്തിപ്പരിക്കേല്പ്പിച്ചത്. പനവൂര് സ്വദേശിയായ സഹദാണ്(21) കുത്തിയത്. പ്രണയം നിരസിച്ചതിനെ തുടര്ന്നായിരുന്നു ആക്രണം. കഴുത്തിനും മുതുകിലും വയറ്റിലുമാണ് കുത്തിയത്. പെണ്കുട്ടി മെഡിക്കല് കോളേജ് ആശുപത്രിയില് ചികിത്സയിലാണ്. പരിക്കുകള് ഗുരുതരമല്ലെന്നാണ് പ്രാഥമിക വിവരം. വട്ടപ്പാറ പൊലീസ് സംഭവത്തില് അന്വേഷണം ആരംഭിച്ചു. പ്രതിക്കായുളള തിരച്ചില് പുരോഗമിക്കുകയാണ്.
പ്രണയം നിരസിച്ചു; പ്ലസ് ടു വിദ്യാര്ത്ഥിനിയെ കുത്തിപ്പരിക്കേല്പ്പിച്ച് 21 കാരന്
