തിരുവനന്തപുരം: സംസ്ഥാനത്ത് സപ്ലൈകോ വഴി വിതരണം ചെയ്യുന്ന സബ്സിഡി സാധാനങ്ങളുടെ വില ഇനി മുതല് വര്ധിക്കും. 13 സാധാങ്ങള്ക്ക് നല്കിയിരുന്ന 55 ശതമാനം സബ്സിഡി 35 ശതമാനമായി വെട്ടിക്കുറയ്ക്കാന് മന്ത്രിസഭായോഗം തീരുമാനിച്ചു.
വിപണിവില കൂടുന്നതും കുറയുന്നതും അനുസരിച്ച് സബ്സിഡി ഉല്പന്നങ്ങളുടെ വിലയിവും മാറ്റം വരുത്താനും യോഗത്തില് തീരുമാനമായി. 2016ല് ആദ്യ പിണറായി സര്ക്കാരിന്റെ തെരഞ്ഞെടുപ്പ് വാഗ്ദാനമായിരുന്നു സബ്സിഡി സാധനങ്ങളുടെ വില കൂട്ടേണ്ടതില്ലെന്ന്. ആ തീരുമാനത്തിനാണ് തുടര് ഭരണം ലഭിച്ച് മൂന്നാം വര്ഷം പിന്നിടുമ്പോള് മാറ്റം വരുന്നത്.വിപണി വിലയ്ക്ക് അനുസൃതമായി നിശ്ചിത നിരക്കില് സബ്സിഡി നല്കുന്ന രീതിയാണ് സപ്ലൈകോ പിന്തുടര്ന്നിരുന്നത്.
വില വര്ധനവ് വരുന്ന 13 സാധനങ്ങള്
1-ചെറുപയര്
2-ഉഴുന്ന്
3-വന്കടല
4-വന്പയര്
5-തുവരപ്പരിപ്പ്
6-മുളക്
7-മല്ലി
8-പഞ്ചസാര
9-വെളിച്ചെണ്ണ
10-ജയ അരി
11-കുറുവ അരി
12-മട്ട അരി
13-പച്ചരി
