കണ്ണൂർ ആലക്കാട് കള്ളവോട്ട് ചെയ്ത ലീഗ് പ്രവർത്തകൻ മുസീദ് കെ അറസ്റ്റിൽ . കടന്നപ്പള്ളി-പാണപ്പുഴ പഞ്ചായത്തിലെ ആറാം വാർഡ് ഒന്നാം ബൂത്തിലാണ് സംഭവം. അറസ്റ്റിലായ ലീഗ് പ്രവർത്തകന് പതിനാറ് വയസ്സാണുള്ളത്. ആൾമാറാട്ടം നടത്തിയാണ് ലീഗ് പ്രവർത്തകൻ വോട്ട് ചെയ്യാൻ എത്തിയത്. ആള്മാറാട്ടം നടത്തി വോട്ട് ചെയ്യാനെത്തിയത് പോളിങ് ഉദ്യോഗസ്ഥര് തിരിച്ചറിയുകയായിരുന്നു. ഇതോടെ പൊലീസ് എത്തി ഇയാളെ അറസ്റ്റ് ചെയ്തു. പ്രവാസിയായ സഹോദരൻ മുർഷീദിന്റെ വോട്ട് ചെയ്യാനാണ് എത്തിയത്.