സംസ്ഥാനത്ത് ഇന്നും നാളെയും ശക്തമായ മഴയ്ക്ക് തുടരുമെന്ന് കാലാവസ്ഥ നിരീക്ഷണ കേന്ദ്രം. തിരുവനന്തപുരം, കൊല്ലം, ആലപ്പുഴ, പത്തനംതിട്ട ഉള്പ്പെടെയുള്ള പത്ത് ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചു. ഇടുക്കി, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളില് നാളെ മഴ മുന്നറിയിപ്പുണ്ട്. ഈ ജില്ലകളില് നാളെ ഏഴ് മുതല് 11 സെന്റിമീറ്റര് വരെ മഴയ്ക്കാണ് സാധ്യത.ന്യൂനമര്ദ്ദത്തിന്റെ സ്വാധീനത്തില് അറബിക്കടലില് കാലവര്ഷക്കാറ്റ് ശക്തിപ്രാപിക്കുന്നതിനാല് സംസ്ഥാനത്ത് ഇന്നും നാളെയും മഴ കനക്കുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ് നല്കിയിട്ടുണ്ട്. കേരള-കര്ണാടക തീരങ്ങല് നിലവില് മത്സ്യബന്ധനത്തിന് വിലക്കില്ല. എന്നാല് ഉയര്ന്ന തിരമാലയ്ക്കും കടലാക്രമണത്തിനും സാധ്യതയുള്ളതിനാല് മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പുലര്ത്തണമെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി
ഇന്നും നാളെയും ശക്തമായ മഴ തുടരും; 10 ജില്ലകളിൽ യെല്ലോ അലർട്ട്
