സംസ്ഥാനത്ത് ഇന്ന് 83 പേര്ക്ക് കൂടി കോവിഡ് സ്ഥിരീകരിച്ചു. 62 പേര് ഇന്ന് രോഗമുക്തി നേടി. കണ്ണൂര്, ഇരിട്ടി സ്വദേശിയായ ഒരാള് രോഗബാധയെ തുടര്ന്ന് മരണപ്പെട്ടതായി മുഖ്യമന്ത്രി അറിയിച്ചു. ഇന്ന് രോഗം സ്ഥിരീകരിച്ചവരില് 27 പേര് വിദേശരാജ്യങ്ങളില് നിന്നും, 37 പേര് ഇതര സംസ്ഥാനങ്ങളില് നിന്നും എത്തിയവരാണ്. അഞ്ച് ആരോഗ്യപ്രവര്ത്തകര്ക്കുള്പ്പെടെ 14 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്.
തൃശൂര്- 25, പാലക്കാട് -1, മലപ്പുറം -10, കാസര്ഗോഡ് -10, കൊല്ലം- 8, കണ്ണൂര്- 7. പത്തനംതിട്ട- 5. എറണാകുളം-2, കോട്ടയം -2, കോഴിക്കോട് -1 എന്നിങ്ങനെയാണ് ഇന്ന് രോഗം സ്ഥിരീകരിച്ചവരുടെ കണക്കുകള്.
തൃശൂര് ജില്ലയില് സമ്പര്ക്കത്തിലൂടെ രോഗം ബാധിച്ചവരില് 4 പേര് കോര്പ്പറേഷനിലെ ശുചീകരണ തൊഴിലാളികളും നാല് പേര് വെയര്ഹൗസില് ലോഡിങ് തൊഴിലാളികളും ഉള്പ്പെടുന്നുണ്ട്. തിരുവനന്തപുരം- 16, കൊല്ലം- 2, എറണാകുളം- 6, തൃശൂര്- 7, പാലക്കാട്- 13, മലപ്പുറം- 2, കോഴിക്കോട്- 3, കണ്ണൂര്- 8, കാസര്ഗോഡ്- 5 എന്നിങ്ങനെയാണ് രോഗമുക്തി നേടിയവരുടെ കണക്കുകള്. 1258 പേരാണ് നിലവില് കോവിഡ് ബാധിച്ച് ചികിത്സയിലുള്ളത്.
അതേ സമയം രാജ്യത്ത് കൊവിഡ് വലിയൊരു വിഭാഗത്തെ ബാധിച്ചേക്കാമെന്ന് ഐസിഎംആര്. രോഗം മാസങ്ങളോളം നീണ്ടു നിന്നേക്കാമെന്നും ഐസിഎംആര് മുന്നറിയിപ്പ് നല്കി. രോഗബാധ കുതിച്ചുയരുന്ന പശ്ചാത്തലത്തില് എല്ലാ സംസ്ഥാനങ്ങളും ജാഗ്രത പാലിക്കണമെന്നും ഐസിഎംആര് ആവശ്യപ്പെട്ടു.