കുന്ദമംഗലത്ത് വാഹനാപകടത്തില് അന്യസംസ്ഥാന തൊഴിലാളി മരിച്ചു. കുന്ദമംഗലം വയനാട് റോഡില് സിന്ധു തീയേറ്ററിന് സമീപം രാവിലെ 11.30 ഓടെയാണ് സംഭവം. ആസ്സാം സ്വദേശിയായ ടൂട്ടാന് ബിശ്വാസ് (24) ആണ് മരണപ്പെട്ടത്. ഇയാള് സമീപത്തെ സര്വ്വീസ് സ്റ്റേഷനിലെ തൊഴിലാളിയാണ്.
വയനാട് ഭാഗത്തുനിന്നും വരികയായിരുന്ന കാര് നടന്നുപോവുകയായിരുന്ന ഇയാളെ ഇടിച്ചു തെറിപ്പിച്ച ശേഷം മറ്റൊരു ലോറിയിലും ഇടിച്ചുവെന്ന് നാട്ടുകാര് പറയുന്നു. മെഡിക്കല് കോളേജിലേക്ക് കൊണ്ടുപോകുന്ന വഴി മരണം സംഭവിക്കുകയായിരുന്നു.