കണ്ണൂര് സര്വകലാശാലയിലെ എം.എ ഗവേണന്സ് ആന്റ് പൊളിറ്റിക്കല് സയന്സ് കോഴ്സിന്റെ വിവാദ സിലബസ് പിന്വലിക്കില്ലെന്ന് വൈസ് ചാന്സലര്.പ്രതിഷേധം എത്ര കനത്താലും കണ്ണൂര് സര്വ്വകലാശാല പിജി സിലബസ് പിന്വലിക്കില്ലെന്ന് വൈസ് ചാന്സലര് ഡോ. ഗോപിനാഥ് രവീന്ദ്രന്.. ഗോള്വാള്ക്കാര്, സവര്ക്കര് എന്നിവര് ആരാണെന്നും എന്താണെന്നും പഠിക്കേണ്ടതുണ്ടെന്നും യോജിപ്പില്ലാത്ത പുസ്തകം വായിക്കരുത് എന്നത് താലിബാന് രീതിയാണെന്നും ഗോപിനാഥ് രവീന്ദ്രന് പറഞ്ഞു. ഇന്നത്തെ ബി.ജെ.പിയെ മനസിലാക്കാന് ഇത്തരം പുസ്തകങ്ങള് വായിക്കണം. പൊളിറ്റിക്കല് സയന്സ് വിദ്യാര്ത്ഥികള് ഗാന്ധിജിയുടെയും നെഹ്റുവിന്റെയുമൊക്കെ പുസ്തകങ്ങള് പഠിക്കുന്നത് പോലെ ഈ പുസത്കങ്ങളും പരിചയപ്പെടണമെന്നാണ് ഡോ.ഗോപിനാഥ് പറഞ്ഞത്.
ഹിന്ദുമഹാസഭാ നേതാവായിരുന്ന വി.ഡി. സവര്ക്കറിന്റേയും ആര്.എസ്.എസ് സൈദ്ധാന്തികനായിരുന്ന ഗോള്വാള്ക്കറിന്റേയും ദീന്ദയാല് ഉപാധ്യായയുടേയും ബല്രാജ് മധോക്കിന്റേയും പുസ്തകങ്ങള് സിലബസില് ഉള്പ്പെടുത്തിയതിനെതിരെയാണ് കഴിഞ്ഞ ദിവസം മുതല് വ്യാപക പ്രതിഷേധമുയര്ന്നത്.
