നിരവധി പേര്ക്ക് കോവിഡ് സ്ഥിരീകരിച്ചതിനെ തുടര്ന്ന് അടച്ചിട്ടിരുന്ന പാളയം മാര്ക്കറ്റ് ചൊവ്വാഴ്ച തുറന്ന സാഹചര്യത്തില് വ്യാപാരികളും പൊതുജനങ്ങളും കര്ശന നിയന്ത്രണങ്ങള് പാലിക്കണമെന്ന് ഗതാഗത വകുപ്പ് മന്ത്രി എ.കെ.ശശീന്ദ്രന് അഭ്യര്ത്ഥിച്ചു.
കോവിഡ് നെഗറ്റീവായ കച്ചവടക്കാര്ക്കും തൊഴിലാളികള്ക്കും മാത്രമാണ് വ്യാപാരം നടത്താന് അനുമതി നല്കിയിട്ടുള്ളത്. താപനില പരിശോധിച്ചശേഷമേ ആളുകളെ മാര്ക്കറ്റിലേക്ക് പ്രവേശിപ്പിക്കുകയുള്ളൂ. ഇത്തരത്തില് കോവിഡ് മാനദണ്ഡങ്ങള് കര്ശനമായി പാലിച്ചു കൊണ്ട് മാത്രമേ മാര്ക്കറ്റ് പ്രവര്ത്തനം സുഗമമായി നടത്താന് കഴിയുകയുള്ളൂ. അല്ലാത്ത പക്ഷം നേരത്തെ മാര്ക്കറ്റ് തുറന്നപ്പോഴുണ്ടായ അനുഭവം തന്നെയായിരിക്കും ഉണ്ടാവുകയെന്നും മന്ത്രി പറഞ്ഞു. ആളുകള് കോവിഡ് മാനദണ്ഡങ്ങള് പാലിക്കുന്നുണ്ടെന്ന് ഉറപ്പു വരുത്താന് ക്വിക്ക് റെസ്പോണ്സ് ടീമിനെ നിയോഗിച്ചിട്ടുണ്ടെന്നും മന്ത്രി അറിയിച്ചു.
