രാജ്യത്ത് ഉള്ളിവില കുതിക്കുമ്പോള് വിലവര്ധനവ് സംബന്ധിച്ച് പാര്ലമെന്റില് അസാധാരണ മറുപടിയുമായി കേന്ദ്ര ധനകാര്യമന്ത്രി നിര്മലാ സീതാരാമന്. ഉള്ളിയുടെ വില വര്ധന തന്നെ വ്യക്തിപരമായി ബാധിക്കില്ലെന്നും തന്റെ വീട്ടില് അധികം ഉള്ളി ഉപയോഗിക്കാറില്ലെന്നുമായിരുന്നു മന്ത്രിയുടെ മറുപടി.
മന്ത്രിയുടെ പരാമര്ശം സഭാംഗങ്ങളില് ചിരി പടര്ത്തി. സോഷ്യല്മീഡിയിയിലും നിരവധി ട്രോളുകള് വരുന്നുണ്ട്.
കയറ്റുമതിക്ക് നിരോധനം ഏര്പ്പെടുത്തി, സ്റ്റോക്ക് പരിധി നടപ്പാക്കി, വിദേശത്തു നിന്നും ഉള്ളി ഇറക്കുമതി ചെയ്തു, ഉള്ളി അധികമുള്ള പ്രദേശങ്ങളില് നിന്നും ഉള്ളി ക്ഷാമം നേരിടുന്ന സ്ഥലങ്ങളിലേക്ക് വിതരണം ചെയ്തു എന്നിങ്ങനെ വില വര്ധനവ് തടയാന് നിരവധി മാര്ഗങ്ങള് സ്വീകരിച്ചെന്നും ഇടപാടുകളില് നിന്ന് ഇടനിലക്കാരെ പൂര്ണമായും ഒഴിവാക്കിയെന്നും മന്ത്രി കൂട്ടിച്ചേര്ത്തു.