സംസ്ഥാനത്തെ കോവിഡ് സാഹചര്യം വിലയിരുത്താന് ഇന്ന് ഉന്നതതല അവലോകനയോഗം.കോവിഡ് നിയന്ത്രണങ്ങൾ തുടരണമോ വേണ്ടയോ എന്ന കാര്യത്തിൽ ഇന്ന് തീരുമാനമുണ്ടായേക്കും.രോഗവ്യാപനത്തില് കുറവില്ലെങ്കിലും ആശങ്കപ്പെടേണ്ട സാഹചര്യമില്ലെന്നാണ് ആരോഗ്യ വകുപ്പിന്റെ വിലയിരുത്തല്.
കോവിഡ് പ്രതിരോധം ചര്ച്ച ചെയ്യാന് കഴിഞ്ഞ ദിവസം ചേര്ന്ന ദേശീയ – അന്തര്ദേശീയ വിദഗ്ധരുടെ യോഗത്തിലുയര്ന്ന നിര്ദേശങ്ങള് അവലോകന യോഗത്തില് പരിശോധിക്കും. സംസ്ഥാനത്ത് സമ്പൂര്ണ ലോക്ക്ഡൗണ് ഇനി ഏര്പ്പെടുത്തുന്നത് പ്രായോഗികമല്ലെന്ന് മുഖ്യമന്ത്രി പിണറായി വിജയന് വ്യക്തമാക്കിയിരുന്നു. തദ്ദേശ സ്ഥാപന ജനപ്രതിനിധികളുമായി നടത്തിയ ചര്ച്ചയിലാണ് മുഖ്യമന്ത്രി ഇക്കാര്യം വ്യക്തമാക്കിയത്.
ആദ്യ ഘട്ടത്തില് രോഗ വ്യാപനമുണ്ടായപ്പോള് കാണിച്ച ജാഗ്രത രണ്ടാം ഘട്ടത്തില് പല തദ്ദേശ സ്ഥാപനങ്ങളും കാണിച്ചില്ലെന്ന വിമര്ശനവും മുഖ്യമന്ത്രി ഉന്നയിച്ചു. വാര്ഡ് തലത്തില് രൂപീകരിച്ച പല സമിതികളും രണ്ടാം തരംഗ സമയത്ത് വളരെ നിര്ജീവമായെന്നും മുഖ്യമന്ത്രി ആരോപിച്ചു
രോഗവ്യാപനം പിടിച്ചുനിര്ത്താന് ക്വാറന്റൈന് ശക്തിപ്പെടുത്താന് നിര്ദേശം നല്കിയിട്ടുണ്ട്. ഇതിന്റെ ഭാഗമായി അയല്ക്കൂട്ട സമിതിയെ രൂപീകരിക്കും. വാര്ഡ് തല സമിതിയെ സജീവമാക്കി തദ്ദേശ സ്ഥാപനങ്ങളുടെ നേതൃത്തില് പ്രതിരോധ പ്രവര്ത്തനം ഊര്ജിതമാക്കാനാണ് സര്ക്കാരിന്റെ ശ്രമം.
