അഫ്ഗാന് തലസ്ഥാനത്തെ അതിസുരക്ഷാ മേഖലയായ ഗ്രീന് സോണില് കടന്ന് കയറി താലിബാന് ഭീകരാക്രമണം. അഫ്ഗാന് പ്രതിരോധ മന്ത്രി ബിസ്മില്ലാഹ് ഖാന് മുഹമദിയുടെ വസതിക്ക് നേരെയായിരുന്നു താലിബാന്റെ കാര്ബോംബ് ആക്രമണം.മന്ത്രിയുടെ വസതിക്ക് സമീപം കാര്ബോംബ് സ്ഫോടനം നടത്തിയ ശേഷം നാല് തീവ്രവാദികള് വെടിയുതിര്ക്കുകയും ചെയ്തു. ഇവരെ കൊലപ്പെടുത്തിയതായി സുരക്ഷാസേന അറിയിച്ചു.
സംഭവസമയത്ത് മന്ത്രി വീട്ടില് ഉണ്ടായിരുന്നില്ല.ആക്രമണത്തില് നിന്ന് മന്ത്രിയുടെ കുടുംബാംഗങ്ങള് അത്ഭുതകരമായി രക്ഷപെട്ടു.
കാബൂളിലെ അതിസുരക്ഷാ മേഖലയില് നടന്ന ആക്രമണത്തെ ഗൗരവത്തോടെയാണ് അഫ്ഗാന് സുരക്ഷാ വിഭാഗം കാണുന്നത്. .
ആക്രമണത്തെ അപലപിച്ച യു.എസ് ഇത്തരം പ്രവര്ത്തികള് താലിബാന്റെ മുഖമുദ്രയാണെന്ന് ആരോപിച്ചു. ആക്രമണത്തിനു ശേഷം കാബൂള് ജനത തെരുവിലിറങ്ങി സര്ക്കാരിന് പിന്തുണ പ്രഖാപിച്ചു.
അഫ്ഗാനിലെമ്പാടും താലിബാന് ആക്രമണം ശക്തി പ്രാപിക്കുകയാണ്. കഴിഞ്ഞ ദിവസം അഫ്ഗാനിലെ യു.എന് ഓഫീസിനു നേരെ നടത്തിയ ആക്രമണത്തില് സുരക്ഷാജീവനക്കാര് കൊല്ലപ്പെടുകയും നിരവധി പേര്ക്ക് പരിക്കേല്ക്കുകയും ചെയ്തിരുന്നു.
