സംസ്ഥാനത്ത് ലോക്ഡൗൺ ലംഘിച്ച് രഹസ്യ ഷൂട്ടിങ്ങ് നടത്തിയ സീരിയൽ അണിയറ പ്രവർത്തകർക്കെതിരെ കേസെടുത്ത് പൊലീസ്.ലോക്ക്ഡൗണ് ലംഘനം നടത്തിയതിനാണ് ഇവര്ക്കെതിരെ പൊലീസ് കേസെടുത്തത്. ലോക്ക് ഡൗണ് നിയന്ത്രണങ്ങള് ലംഘിച്ച് ഷൂട്ടിങ് നടക്കുന്നുവെന്ന വിവരത്തിന്റെ അടിസ്ഥാനത്തില് അയിരൂര് പോലീസ് സ്ഥലത്തെത്തുകയും സീരിയല് താരങ്ങളും ടെക്നീഷ്യന്മാരുമടക്കം ഇരുപതോളം പേരെ കസ്റ്റഡിയിലെടുക്കുകയായിരുന്നു. ഇവര്ക്കെതിരെ പകര്ച്ചവ്യാധി പ്രതിരോധ ഓര്ഡിനന്സ് പ്രകാരം നടപടിയുണ്ടാകും.
ലോക്ക്ഡൗണ് നിയന്ത്രണങ്ങള് ലംഘിച്ചതിന്റെ പേരില് റിസോര്ട്ട് അടച്ച് സീല് ചെയ്യുകയും ഉടമയ്ക്കെതിരെ കേസെടുക്കുകയും ചെയ്യുമെന്നും പോലീസ് വ്യക്തമാക്കി.
മെയ് എട്ടിന് ലോക്ക് ഡൗണ് പ്രഖ്യാപിച്ച അന്നുമുതല് സംസ്ഥാനത്ത് സിനിമ- സിരീയല് എന്നിവയുടെ ഇന്ഡോര് ഔട്ട്ഡോര് ഷൂട്ടിങ്ങുകള് നടത്തുന്നതിന് നിരോധനമുണ്ട്. ഇത് ലംഘിച്ചതിനാണ് നടപടി.
സീതാകല്യാണം എന്ന സീരിയലുമായി ബന്ധപ്പെട്ട് പ്രവര്ത്തിച്ചിരുന്ന താരങ്ങളും പ്രവര്ത്തകരുമാണ് അറസ്റ്റിലായതെന്നാണ് റിപ്പോർട്ട്.
