സംസ്ഥാനത്ത് ദീപാവലി ആഘോഷങ്ങളില് പടക്കം പൊട്ടിക്കുന്നതിന് നിയന്ത്രണം. പടക്കം പൊട്ടിക്കല് രാത്രി എട്ടുമണി മുതല് പത്തുമണിവരെ മാത്രം. അതിന് ശേഷം പടക്കം പൊട്ടിച്ചാല് നിയമനടപടി സ്വീകരിക്കുമെന്ന് ആഭ്യന്തര വകുപ്പ് ഉത്തരവിറക്കി.
സുപ്രിംകോടതി നിര്ദേശത്തിന്റെ അടിസ്ഥാനത്തിലാണ് സമയക്രമീകരണം. ആശുപത്രികള്, വിദ്യാഭ്യാസ സ്ഥാപനങ്ങള്, ആരാധനാലയങ്ങള്, കോടതികള് എന്നിവയുടെ 100 മീറ്ററിനുള്ളില് പടക്കങ്ങള് പൊട്ടിക്കാന് പാടില്ലെന്ന് നിര്ദേശമുണ്ട്. മലിനീകരണവും പൊടിപടലങ്ങളും കുറയ്ക്കുന്ന പടക്കങ്ങള് മാത്രമേ ഉപയോഗിക്കാവൂ എന്ന് സംസ്ഥാന മലിനീകരണ നിയന്ത്രണ ബോര്ഡും അറിയിച്ചിട്ടുണ്ട്.
