ബെംഗളൂരു: ലഹരിമരുന്ന് വിവാദത്തെ തുടർന്ന് പൊലീസ് അന്വേഷണത്തിന്റെ ഭാഗമായി കന്നഡ നടി രാഗിണി ദ്വിവേദിയെ ചോദ്യം ചെയ്യാൻ വിളിപ്പിച്ചു. സെലിബ്രിറ്റികൾ ലഹരി മരുന്ന് ഉപയോഗിച്ചതിനെക്കുറിച്ചുള്ള അന്വേഷണത്തെ തുടർന്നാണ് നടപടി.
ദ്വിവേദിയ്ക്ക് പുറമെ സർക്കാർ ജീവനക്കാരനായ സുഹൃത്ത് രവിശങ്കറിനും ചോദ്യം ചെയ്യലിനായി ചാമരാജ്‌പേട്ടിലെ സിസിബി ആസ്ഥാനത്ത് ഹാജരാകാൻ ആവശ്യപ്പെട്ട് നോട്ടിസ് നൽകിയിട്ടുണ്ടെന്ന് ജോയിന്റ് പൊലീസ് കമ്മിഷണർ സന്ദീപ് പാട്ടീൽ (ക്രൈം) പറഞ്ഞു. ഇവർ നേരത്തെ ചില പാർട്ടികളിൽ പങ്കെടുക്കവെ വീര്യം കൂടിയ ലഹരികൾ ഉപയോഗിച്ചതായി സൂചന ലഭിച്ചിട്ടുണ്ട്
