കോവിഡ് ബാധയെത്തുടര്ന്ന് ചികിത്സയിലായിരുന്ന വയോധിക ദമ്പതികള്ക്ക് രോഗം ഭേദമായി. കോട്ടയം മെഡിക്കല് കോളജില് ആയിരുന്നു ഇവര് ചികിത്സയില് കഴിഞ്ഞത്. തോമസ് (93), മറിയാമ്മ (88) ദമ്പതികളാണ് കൊറോണ ബാധയില് നിന്നു മോചിതരായത്. ഇറ്റലിയില് നിന്ന് വന്ന സ്വന്തം കുടുംബാംഗങ്ങളില് നിന്നുമായിരുന്നു ഇവര്ക്ക് രോഗം പിടിപെട്ടത്. 60 വയസിന് മുകളില് കോവിഡ് ബാധിച്ചവരെ ഹൈ റിസ്കിലാണ് പെടുത്തിയിരിക്കുന്നത്. ഈ സാഹതര്യത്തിലാണ് കേരളത്തിന് അഭിമാന നേട്ടം,ൃ.
പ്രായാധിക്യം മൂലമുള്ള അസുഖങ്ങള്ക്കു പുറമേയാണ് കൊറോണ വൈറസ് കൂടി ഇവരെ ബാധിച്ചത്. ഒരുഘട്ടത്തില് അതീവ ഗുരുതരാവസ്ഥയിലായിരുന്ന ഇവരെയാണു മരണക്കയത്തില് നിന്നും കോട്ടയം മെഡിക്കല് കോളജിലെ വിദഗ്ധ ചികിത്സയിലൂടെ ജീവത്തിലേക്കു തിരിച്ച് കൊണ്ടുവന്നത്. ഇതോടെ പത്തനംതിട്ടയിലെ 5 അംഗ കുടുംബം രോഗമുക്തരായി. ചികിത്സയ്ക്കു നേതൃത്വം നല്കിയ മെഡിക്കല് കോളജിലെ എല്ലാ ജീവനക്കാരേയും ആരോഗ്യ മന്ത്രി കെ.കെ.ശൈലജ അഭിനന്ദിച്ചു.
