തിരുവനന്തപുരം: വയനാട് പൂക്കോട് വെറ്ററിനറി സര്വകലാശാലയിലെ വിദ്യാര്ത്ഥിയായിരുന്ന സിദ്ധാര്ത്ഥന്റെ വീടിന് മുന്നില് സിപിഎം സ്ഥാപിച്ച ബോര്ഡ് എടുത്തു മാറ്റി. ‘എസ്എഫ്ഐ പ്രവര്ത്തകന് സിദ്ധാര്ത്ഥനെ കൊന്നവരെ നിയമത്തിനു മുന്നില് കൊണ്ട് വരിക’ എന്നായിരുന്നു ഫ്ലെക്സ് ബോര്ഡിലുണ്ടായിരുന്നത്. എന്നാല് ഈ ബോര്ഡിനെതിരെ സിദ്ധാര്ത്ഥന്റെ കുടുംബം രംഗത്തെത്തിയിരുന്നു. വിമര്ശനങ്ങള്ക്കിടെ കെഎസ്യു അവരുടെ ഫ്ലെക്സ് ബോര്ഡുമായി എത്തി. ‘എസ്എഫ്ഐ കൊന്നതാണ്’ എന്നെഴുതിയ ബോര്ഡാണ് കെഎസ്യു സ്ഥാപിച്ചത്.
ഇക്കഴിഞ്ഞ 18നാണ് സിദ്ധാര്ത്ഥിനെ ഹോസ്റ്റലിലെ ശുചിമുറിയില് ആത്മഹത്യ ചെയ്ത നിലയില് കണ്ടെത്തി. ശരീരത്തില് കണ്ടെത്തിയ പരിക്കുകളില് നിന്നാണ് സംഭവങ്ങളുടെ നിജസ്ഥിതി വെളിച്ചത്തായത്.
