പുതിയ ഇരുചക്ര വാഹനം വാങ്ങിക്കുന്നവർ അറിഞ്ഞിരിക്കാൻ…

പുതിയ വാഹനം വാങ്ങിക്കുന്നവർ ഹെൽമെറ്റ്, സാരി ഗാർഡ്, പിൻസീറ്റ് യാത്രക്കാർക്കുള്ള കൈപ്പിടി, നമ്പർ പ്ലേറ്റ് എന്നിവയ്ക്ക് അധിക ഫീസ് നൽകേണ്ടതില്ല.
കേന്ദ്ര മോട്ടോർ വാഹന ചട്ടം 138 ( F) അനുശാസിക്കുന്ന പ്രകാരം 01. 04. 2016 മുതൽ കേരളത്തിൽ വിൽക്കുന്ന ഇരു ചക്ര വാഹനങ്ങളോടൊപ്പം നിർമാതാക്കൾ ഹെൽമെറ്റും വില ഈടാക്കാതെ നൽകുന്നുണ്ടെന്ന് ഉറപ്പു വരുത്തിയതിനു ശേഷം മാത്രം പ്രസ്തു വാഹനം രജിസ്റ്റർ ചെയ്തു നൽകിയാൽ മതിയെന്ന് ട്രാൻസ്പോർട് കമ്മീഷണറുടെ സർക്കുലറിൽ പറയുന്നു.
അപ്രകാരം പ്രവർത്തിക്കാത്ത ഡീലർമാരുടെ ട്രേഡ് സർട്ടിഫിക്കറ്റ് റദ്ദ് ചെയ്യാൻ നടപടി സ്വീകരിക്കും. കൂടാതെ വാഹനങ്ങളുടെ നമ്പർ പ്ലേറ്റ്, റെയർ വ്യൂ മിറർ, സാരിഗാർഡ്, പിൻസീറ്റ് യാത്രക്കാർക്കുള്ള കൈപ്പിടി എന്നിവ പ്രത്യേക വില ഈടാക്കാതെ വാഹനത്തോടൊപ്പം സൗജന്യമായി നൽകേണ്ടതാണ്.