തിരുവനന്തപുരം: സിപിഐഎമ്മില്‍ ലഹരി ഉപയോഗിക്കുന്ന അന്തക വിത്തുകളുണ്ടെന്ന് കോണ്‍ഗ്രസ് നേതാവ് തിരുവഞ്ചൂര്‍ രാധാകൃഷ്ണന്‍. അത് പാര്‍ട്ടിക്ക് നിയന്ത്രിക്കാനാകുന്നില്ലെന്നും തിരുവഞ്ചൂര്‍ വിമര്‍ശിച്ചു. ആലപ്പുഴയില്‍ സിപിഐഎം നേതാവ് ആരോപണ വിധേയനായ ലഹരി കേസ് നിയമസഭയില്‍ പരാമര്‍ശിച്ചായിരുന്നു തിരുവഞ്ചൂരിന്റെ വിമര്‍ശനം.ലഹരി ഉപയോഗിക്കുന്നതിലും കടത്തുന്നതിലും കേസെടുക്കുന്നതിന്റെ തോത് വളരെ കൂടുതലാണ്. എന്നാല്‍ ശിക്ഷിക്കപ്പെടുന്നവരുടെ എണ്ണം വളരെ കുറവാണെന്നും തിരുവഞ്ചൂര്‍ പറഞ്ഞു. നിയമസഭയിലെ ചോദ്യോത്തര വേളയിലായിരുന്നു തിരുവഞ്ചൂരിന്റെ പ്രതികരണം. ആര്‍എസ്എസ് വിരോധം പറയുന്ന സിപിഐഎമ്മുകാര്‍ ഇ ചന്ദ്രശേഖരന്റെ കാര്യത്തില്‍ എന്താണ് ചെയ്തതെന്ന് തിരുവഞ്ചൂര്‍ ചോദിച്ചു. […]