ഷുഹൈബ് വധക്കേസ്; കോടതി മാറ്റണമെന്ന പ്രതി ഭാഗത്തിന്റെ ഹര്ജി വീണ്ടും തള്ളി
കണ്ണൂര്: ഷുഹൈബ് വധക്കേസില് കോടതി മാറ്റണമെന്ന പ്രതി ഭാഗത്തിന്റെ ഹര്ജി വീണ്ടും തള്ളി. തലശ്ശേരി പ്രിന്സിപ്പല് സെഷന്സ് കോടതിയാണ് ഹര്ജി തള്ളിയത്. കേസിലെ വിചാരണാ നടപടികള് നീട്ടിക്കൊണ്ടുപോകാന് പ്രതിഭാഗം മനഃപൂര്വം ശ്രമിക്കുകയാണെന്ന ആക്ഷേപങ്ങള്ക്കിടയിലാണ് കോടതി മാറ്റ ഹരജി സമര്പ്പിക്കപ്പെട്ടത്. പ്രതിഭാഗം അഭിഭാഷകന് സമര്പ്പിച്ച ഈ ഹര്ജി മുന്പ് പരിഗണിച്ച സെഷന്സ് കോടതി, അഡീഷണല് സെഷന്സ് കോടതിയിലെ വിചാരണ നടപടികള് താല്ക്കാലികമായി സ്റ്റേ ചെയ്തിരുന്നു. കോടതി മാറ്റത്തിനുള്ള ഹര്ജി നിലനില്ക്കുന്നതിനാല് സാക്ഷി വിസ്താരവുമായി സഹകരിക്കാന് പ്രതിഭാഗം അഭിഭാഷകര് തയ്യാറായിരുന്നില്ല. […]