വാളയാർ കേസിൽ സി ബി ഐ കുറ്റപത്രം സമർപ്പിച്ചു. സഹോദരിമാരുടെ മരണം ആത്മഹത്യയാണെന്ന് കുറ്റപത്രത്തില്‍ പറയുന്നു. നിരന്തരമായ ശാരീരിക പീഡനത്തെ തുടര്‍ന്നാണ് ആത്മഹത്യയെന്നും പാലക്കാട് പോക്‌സോ കോടതിയില്‍ സമര്‍പ്പിച്ച കുറ്റപത്രത്തില്‍ സിബിഐ പറയുന്നു. കേസില്‍ പോലീസ് നേരത്തെ പ്രതിചേര്‍ത്തവരെ തന്നെയാണ് സിബിഐയും പ്രതിപ്പട്ടികയില്‍ ഉള്‍പ്പെടുത്തിയിരിക്കുന്നത്. ബലാത്സംഗം, പോക്‌സോ, ആത്മഹത്യ പ്രേരണ, പട്ടിക ജാതി,പട്ടിക വര്‍ഗ പീഡന നിരോധന നിയമം എന്നീ വകുപ്പുകള്‍ ഇവര്‍ക്കെതിരെ ചുമത്തിയാണ് കുറ്റപത്രം സമര്‍പ്പിച്ചിരിക്കുന്നത്.

വാളയാറിലെ സഹോദരിമാരുടെ മരണം അന്വേഷിക്കുന്ന സി.ബി.ഐ സംഘം പാലക്കാട്ടെത്തി. സി.ബിഐയുടെ തിരുവനന്തപുരം യൂനിറ്റിൽനിന്നുള്ള സംഘം പെൺകുട്ടികളുടെ വീട്ടിൽ എത്തി തെളിവെടുപ്പ് നടത്തി. കേസ് ഏറ്റെടുത്ത സി.ബി.ഐ പാലക്കാട് പോക്സോ കോടതിയിൽ രണ്ട് കുട്ടികളുടെയും മരണത്തിൽ വെവ്വേറെ എഫ്.ഐ.ആറുകൾ സമർപ്പിച്ചിരുന്നു. കേസിലെ പ്രതികളെ വെറുതെവിട്ടതിന് ശേഷം സർക്കാർ നിയോഗിച്ചിരുന്ന പ്രത്യേക അന്വേഷണ സംഘത്തിൽ നിന്നടക്കം സി.ബി.ഐ വിവരങ്ങൾ ശേഖരിച്ചിട്ടുണ്ട്. തുടർന്നാണ് സി.ബി.ഐ സംഘം നടപടി ആരംഭിച്ചത് പെൺകുട്ടികളുടെ മാതാപിതാക്കളിൽനിന്നും വിവരങ്ങൾ തേടി. കുട്ടികളെ മരിച്ച നിലയിൽ കണ്ടെത്തിയ സമീപത്തെ […]

വാളയാർ പെൺകുട്ടികളുടെ മരണത്തിൽ സിബിഐ അന്വേഷണം ആരംഭിച്ചു. കൊലക്കുറ്റം ചുമത്തി സിബിഐ കേസ് രജിസ്റ്റർ ചെയ്തു. പോക്‌സോ വകുപ്പുകളും ചുമത്തിയാണ് സിബിഐ കേസ് എടുത്തത്. സിബിഐ തിരുവനന്തപുരം യൂണിറ്റ് ഡിവൈഎസ്പി അനന്തകൃഷ്ണനാണ് കേസിന്റെ അന്വേഷണ ചുമതല. പോക്‌സോയ്ക്ക് പുറമേ എസ്.സി/ എസ്.ടി നിയമം കൊലപാതകം എന്നീ വകുപ്പുകൾ ചുമത്തിയാണ് എഫ്‌ഐആർ രജിസ്റ്റർ ചെയ്തിരിക്കുന്നത്. കഴിഞ്ഞ ദിവസമാണ് സിബിഐ കേസ് ഏറ്റെടുത്തത്. ഇതിന് പിന്നാലെ പോക്‌സോ ഉൾപ്പെടെയുള്ള വകുപ്പുകൾ പ്രകാരം രണ്ട് കേസുകൾ രജിസ്റ്റർ ചെയ്തു. മൂന്ന് പ്രതികൾക്കെതിരെയാണ് […]