മലപ്പുറം: മലപ്പുറം കൂരിയാട് ദേശീയപാത തകര്‍ന്നതില്‍ വിദഗ്ധ സമിതി കേന്ദ്രത്തിന് റിപ്പോര്‍ട്ട് നല്‍കി. ഇടിഞ്ഞ ഭാഗത്തെ റോഡ് പൂര്‍ണ്ണമായും പുനര്‍ നിര്‍മ്മിക്കാന്‍ റിപ്പോര്‍ട്ടില്‍ ശിപാര്‍ശ. ഒരു കിലോമീറ്റര്‍ ദൂരം പൂര്‍ണമായും പുനര്‍ നിര്‍മ്മിക്കണമെന്നാണ് റിപ്പോര്‍ട്ടില്‍ പറയുന്നത്. സ്ഥലത്തെ മണ്ണ് പരിശോധന ഫലപ്രദമായി നടന്നില്ല, ഡിസൈനില്‍ ഉള്‍പ്പെടെ പാളിച്ചയുണ്ടായി എന്നും റിപ്പോര്‍ട്ടില്‍ പറയുന്നു. കരാര്‍ ഏറ്റെടുത്ത നിര്‍മാണ കമ്പനി കെഎന്‍ആര്‍ കണ്‍സ്ട്രക്ഷന്‍സിന് വന്‍ വീഴ്ച സംഭവിച്ചെന്നും റിപ്പോര്‍ട്ടില്‍ വ്യക്തമാക്കുന്നു. നിര്‍മാണ കമ്പനിയായ കെഎന്‍ആര്‍ കണ്‍സ്ട്രക്ഷനെതിരെ നടപടിയുമായി കേന്ദ്രം രംഗത്ത് […]

ആലപ്പുഴ: ഹരിപ്പാട് കെഎസ്ആര്‍ടിസി ബസും കാറും കൂട്ടിയിടിച്ച് അഞ്ചു പേര്‍ക്ക് പരിക്ക്. കാറിലുണ്ടായിരുന്ന യാത്രക്കാര്‍ക്കാണ് പരിക്കേറ്റത്. ഹരിപ്പാട് കരുവാറ്റയില്‍ ഇന്ന് രാവിലെയാണ് സംഭവം. ആലപ്പുഴയില്‍ നിന്ന് എറണാകുളത്തേക്ക് പോകുന്ന ബസാണ് അപകടത്തില്‍പ്പെട്ടത്. കാറിലുണ്ടായിരുന്നവരെ നാട്ടുകാരാണ് രക്ഷപ്പെടുത്തി ആശുപത്രിയിലെത്തിച്ചത്. പരിക്കേറ്റ ഇവര്‍ വണ്ടാനം മെഡിക്കല്‍ കോളേജില്‍ ചികിത്സയിലാണ്.

തിരുവനന്തപുരം: തമിഴ്‌നാട് തിരുവാരൂരില്‍ വാനും ബസും കൂട്ടിയിടിച്ച് നാല് മലയാളികള്‍ മരിച്ചു.തിരുവനന്തപുരം സ്വദേശികളായ രജിനാഥ്, രാജേഷ്, സജിത്ത്, രാഹുല്‍ എന്നിവരാണ് മരിച്ചത്. വേളാങ്കണ്ണിക്ക് തീര്‍ഥാടനത്തിന് പോയവരാണ് അപകടത്തില്‍ പെട്ടത്. നെയ്യാറ്റിന്‍കര സ്വദേശികളാണ് മരിച്ചതെന്നാണ് വിവരം. ഇന്ന് പുലര്‍ച്ചെയാണ് അപകടം നടന്നത്.ഏഴുപേരാണ് വാനിലുണ്ടായിരുന്നത്. അപകടത്തിന് പിന്നാലെ നാലുപേര്‍ സ്ഥലത്ത് വെച്ച് തന്നെ മരിച്ചിരുന്നു.ഗുരുതരമായി പരിക്കേറ്റ മൂന്ന് പേരെ ആശുപത്രിയില്‍ പ്രവേശിപ്പിച്ചു.നാട്ടുകാര്‍ ചേര്‍ന്നാണ് രക്ഷാപ്രവര്‍ത്തനം നടത്തിയത്.

കൊച്ചി: മലയാറ്റൂരില്‍ പൊലീസുകാരനെ ഇടിച്ചു തെറിപ്പിച്ച പിക്കപ്പ് വാന്‍ നിര്‍ത്താതെ പോയി. കെ.എ.പിയിലെ പൊലീസുകാരനായ അതിരമ്പുഴ സ്വദേശി നിതിനെയാണ് പിക്കപ്പ് വാനിടിച്ചത്. ആലുവയിലെ സ്വകാര്യ ആശുപത്രിയില്‍ പ്രവേശിപ്പിച്ച നിധിനെ വയറില്‍ ശസ്ത്രക്രിയ നടത്തി. ഇദ്ദേഹം അപകടനില തരണം ചെയ്തു. ഇന്നലെ രാത്രി മലയാറ്റൂരില്‍ ഡ്യൂട്ടി കഴിഞ്ഞ് മടങ്ങി വരുകയായിരുന്നു നിതിന്‍. റോഡരികിലൂടെ നടന്ന് വരുമ്പോള്‍ എതിരെയെത്തിയ പിക്കപ്പ് വാന്‍ ഇടിച്ച് തെറിപ്പിക്കുകയായിരുന്നു. ഇതിന്റെ സിസിടിവി ദൃശ്യങ്ങള്‍ പുറത്തുവന്നു. ഇടിച്ച പിക്കപ്പ് വാന്‍ തിരിച്ചറിഞ്ഞതായി കാലടി എസ്.എച്ച്.ഒ പറഞ്ഞു.

പാലക്കാട് ബസ്സും ഓട്ടോറിക്ഷയും കൂട്ടിയിടിച്ച് രണ്ടുപേര്‍ മരിച്ചു. എലപ്പുള്ളിയിലാണ് അപകടം ഉണ്ടായത്. ഓട്ടോറിക്ഷ ഡ്രൈവര്‍ മായംകുളം സ്വദേശി അബ്ബാസും യാത്രികക്കാരനായ എലപ്പുള്ളി സ്വദേശി സൈദ് മുഹമ്മദുമാണ് അപകടത്തില്‍ മരിച്ചത്. വള്ളേക്കുളത്ത് വെച്ചാണ് അപകടമുണ്ടായത്. പാലക്കാട് ഭാഗത്തേക്ക് പോവുകയായിരുന്ന ഓട്ടോറിക്ഷ പൊള്ളാച്ചിയിലേക്ക് പോവുകയായിരുന്ന കെഎസ്ആര്‍ടിസി ബസ്സുമായി കൂട്ടിയിടിച്ചാണ് അപകടം ഉണ്ടായത്. അപകടസ്ഥലത്ത് വെച്ച് തന്നെ അബ്ബാസ് മരിച്ചിരുന്നു. സൈദ് മുഹമ്മദ് തൃശൂര്‍ മെഡിക്കല്‍ കോളേജ് ആശുപത്രിയില്‍ വെച്ചാണ് മരിച്ചത്.

വടകരയില്‍ സ്വകാര്യ ബസ് നിയന്ത്രണം വിട്ട് മതിലില്‍ ഇടിച്ച് പതിനഞ്ചോളം പേര്‍ക്ക് പരുക്ക്. വ്യാഴാഴ്ച ഉച്ചയോടെയാണ് അപകടം ഉണ്ടായത്. അപകടം നടക്കുമ്പോള്‍ ഇരുപത്തിയഞ്ചോളം യാത്രക്കാരായിരുന്നു ബസില്‍ ഉണ്ടായിരുന്നത്. വടകരയില്‍ നിന്നും മണിയൂരിലേക്ക് പോവുകയായിരുന്ന ബസാണ് അപകടത്തില്‍പ്പെട്ടത്. പതിയാരക്കര ചോയിനാണ്ടി താഴെ വെച്ചാണ് ബസ് വീടിന്റെ മതിലിടിച്ചത്. സ്ത്രീകളും കുട്ടികളുമടക്കമുള്ളവര്‍ക്കാണ് പരുക്കേറ്റത്. പരുക്കേറ്റവരെ വടകരയിലെ സ്വകാര്യ ആശുപത്രിയിലും ജില്ലാ ആശുപതിയിലും പ്രവേശിപ്പിച്ചു. ആരുടെയും പരുക്ക് ഗുരുതരമല്ല. പലര്‍ക്കും മുഖത്തും തലയ്ക്കുമാണ് പരുക്കേറ്റത്

തൃശൂര്‍: തൃശൂര്‍ മണ്ണുത്തിയില്‍ റോഡില്‍ കുടുങ്ങിയ പൂച്ചയെ രക്ഷിക്കാനായി ബൈക്ക് നിര്‍ത്തി റോഡിലേക്ക് ഇറങ്ങിയ യുവാവ് ലോറിയിടിച്ച് മരിച്ചു. കാളത്തോട് ചിറ്റിലപ്പള്ളി സ്വദേശി സിജോ (42) ആണ് മരിച്ചത്. ചൊവ്വാഴ്ച രാത്രി 9.30ന് ആയിരുന്നു സംഭവം. സിജോ ബൈക്കില്‍ വീട്ടിലേക്ക് പോവുന്നതിനിടെ റോഡിലൊരു പൂച്ച കിടക്കുന്നത് കാണുകയും അതിനെ രക്ഷിക്കാന്‍ റോഡിലേക്ക് ഇറങ്ങുകയുമായിരുന്നു. ഈ സമയം എതിര്‍ദിശയില്‍നിന്നു വന്ന ലോറി യുവാവിനെ ഇടിക്കുകയും തുടര്‍ന്ന് മറുവശത്തുകൂടി വന്ന കാറിനു മുന്നിലേക്ക് വീഴുകയും ചെയ്തു. യുവാവിനെ ഇടിച്ച് കാറും […]

കോട്ടയം: കോട്ടയത്ത് എംസി റോഡില്‍ നാട്ടകം പോളിടെക്‌നിക് കോളേജിന് സമീപം ജീപ്പും ലോറിയും കൂട്ടിയിടിച്ച് രണ്ടു പേര്‍ മരിച്ചു. ജീപ്പ് ഡ്രൈവറായ തൊടുപുഴ സ്വദേശി സനോഷും യാത്രക്കാരനായ തമിഴ്‌നാട് സ്വദേശിയുമാണ് മരിച്ചത്.അപകടത്തില്‍ മൂന്നുപേര്‍ക്ക് പരിക്കേറ്റു. ജീപ്പിന് പിന്നിലിരുന്ന മൂന്നുപേര്‍ക്കാണ് പരിക്കേറ്റത്. മുന്‍വശം പൂര്‍ണമായും തകര്‍ന്ന ജീപ്പ് അഗ്‌നിരക്ഷാസേന എത്തിയാണ് നീക്കം ചെയ്തത്. അപകടത്തെത്തുടര്‍ന്ന് ഏറെനേരം ഗതാഗതതടസ്സമുണ്ടായി. തുടര്‍ന്ന് ചിങ്ങവനം പൊലീസ് എത്തിയാണ് ഗതാഗതതടസം ഒഴിവാക്കിയത്.

ചെങ്ങമനാട്: സ്‌കൂട്ടറിന് പിറകില്‍ കാറിടിച്ച് യുവാവിന് ദാരുണാന്ത്യം. സ്‌കൂട്ടര്‍ യാത്രികന്‍ പൊയ്ക്കാട്ടുശ്ശേരി എടത്തലശ്ശേരി വീട്ടില്‍ മനോഹര്‍ – ശ്രീജ ദമ്പതികളുടെ ഏക മകന്‍ ദീപക്കാണ് (30) മരിച്ചത്. അങ്കമാലി അത്താണി-കാരയ്ക്കാട്ടുകുന്ന് റോഡില്‍ പുക്കൈത ഭാഗത്ത് 200 മീറ്റര്‍ വടക്ക് മാറി ബുധനാഴ്ച ഉച്ചക്ക് ഒരു മണിയോടെയായിരുന്നു അപകടം. അത്താണിഭാഗത്തേക്ക് വരികായായിരുന്ന മഹീന്ദ്ര സ്‌കോര്‍പിയോ മുന്നില്‍ സഞ്ചരിച്ച സ്‌കൂട്ടറില്‍ ഇടിക്കുകയായിരുന്നു. റോഡില്‍ തലയിടിച്ച് വീണ് രക്തം വാര്‍ന്ന ദീപകിനെ ദേശം സി.എ. ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.