കൊടുവള്ളിയില് വിദ്യാര്ഥിയുടെ മരണം; കാറില് തട്ടിയല്ല അപകടം; വാഹനം തിരിച്ചറിഞ്ഞു
കോഴിക്കോട് : കൊടുവള്ളിയില് വിദ്യാര്ഥിയുടെ മരണത്തിനിടയാക്കിയ വാഹനം തിരിച്ചറിഞ്ഞു. കാറിടിച്ചാണ് അപകടമുണ്ടായതെന്നായിരുന്നു നേരത്തെയുള്ള നിഗമനം. എന്നാല് പെരിയാംതോട് സ്വദേശിയുടെ പിക്കപ്പ് വാനാണ് സ്കൂട്ടറില് ഇടിച്ച ശേഷം നിര്ത്താതെ പോയത്. സ്കൂട്ടറിലുണ്ടായിരുന്ന താമരശേരി ചുങ്കം സ്വദേശിനി ഫാത്തിമ മിന്സിയ(20) യ്ക്കാണ് അപകടത്തില് ജീവന് നഷ്ടമായത്. ചികില്സയിലിരുന്ന മിന്സിയ ഇന്ന് പുലര്ച്ചെയോടെയാണ് മരിച്ചത്. പിക്കപ്പ് വാന് ഇടിച്ചതിനെ തുടര്ന്ന് സ്കൂട്ടര് സ്വകാര്യബസിന് മുന്നിലേക്ക് മറിയുകയായിരുന്നു. ഒപ്പം യാത്ര ചെയ്ത സുഹൃത്ത് സ്വകാര്യ ആശുപത്രിയില് ചികില്സയിലാണ്. ഇരുവരും മണാശേരി കെ.എം.സി.റ്റിയിലെ വിദ്യാര്ഥികളാണ്.
