വാളയാറിലെ പെണ്കുട്ടികളുടെ ദുരൂഹ മരണം സംബന്ധിച്ച കേസില് ഇടപെടുമെന്ന് ദേശീയ ബാലാവകാശ കമ്മീഷനും ദേശീയ പട്ടിക ജാതി കമ്മീഷനും. സംഭവം കമ്മീഷന്റെ ലീഗല് സെല് പരിശോധിക്കുമെന്ന് ബാലാവകാശ കമ്മീഷന് ചെയര്മാന് വ്യക്തമാക്കി.
പ്രശ്നം ഏറെ ഗൗരവത്തോടെയാണ് കമ്മീഷന് കാണുന്നത്. വിഷയത്തില് പ്രോസിക്യൂഷന്റെ ഭാഗത്തെ ജാഗ്രത കുറവിനെ കുറിച്ചും പൊലീസ് അന്വേഷണത്തിലെ വീഴ്ച്ചയെ കുറിച്ചും ദേശീയ പട്ടിക ജാതി കമ്മീഷനും പരിശോധിക്കും.
2017 ജനുവരി പതിമൂന്നിനാണ് വാളയാര് അട്ടപ്പളത്ത് പതിനൊന്നുവയസ്സുകാരിയെ തൂങ്ങിമരിച്ചനിലയില് കണ്ടത്. രണ്ട് മാസങ്ങള്ക്കുശേഷം മാര്ച്ച് നാലിന് ഒമ്പതുവയസ്സുകാരി സഹോദരിയെയും വീട്ടിനകത്ത് തൂങ്ങിമരിച്ചനിലയില് കണ്ടെത്തുകയായിരുന്നു. പെണ്കുട്ടികള് ലൈംഗികാക്രമണത്തിന് ഇരയായതായി പോസ്റ്റ്മോര്ട്ടം റിപ്പോര്ട്ടില് വ്യക്തമായിരുന്നു. എന്നാല് പ്രതികളെ വെറുതെ വിട്ടിരുന്നു.
