,
തൃശൂര്: പിള്ളതോടിനു സമീപം റോഡിൽ ഒറ്റയാൻ ഇറങ്ങി ഭീതി പരത്തി. പാലപ്പിള്ളിയില് കാട്ടാനയുടെ മുന്നില്പ്പെട്ട് ടാപ്പിംഗ് തൊഴിലാളി. ഇയാളെ കാട്ടാന ഓടിപ്പിച്ചു. ആനയെ കണ്ട് പേടിച്ച് ഓടിയ പ്രസാദ് എന്ന തൊഴിലാളിക്ക് വീണ് പരിക്കേറ്റു. പരിക്ക് സാരമുള്ളതല്ല.
ആളുകള് ബഹളം വെച്ചതോടെ ആന റോഡ് മുറിച്ച് കടന്ന് തൊട്ടടുത്തുള്ള തോട്ടത്തിലേക്ക് ഓടിമാറി. ടാപ്പിംഗ് തൊഴിലാളിയെ ഓടിച്ച റബ്ബര് തോട്ടത്തില് കാട്ടാനക്കൂട്ടത്തെയും കണ്ടെത്തി. ഫീല്ഡ് നമ്പര് 89, 90 ലാണ് ആനക്കൂട്ടം ഇറങ്ങിയത്. 15 കാട്ടാനകളാണ് കൂട്ടത്തോടെ എത്തിയത്. നാട്ടുകാര് അറിയിച്ചതിനെ തുടര്ന്ന് വനം വകുപ്പ് ഉദ്യോഗസ്ഥര് സ്ഥലത്തെത്തി. ആനകളെ കാടുകയറ്റാൻ ശ്രമം തുടങ്ങി.
