കൊച്ചിയിൽ രണ്ട് വയസുകാരനെ കൊത്തി പരുക്കേൽപിച്ച പൂവൻകോഴിയുടെ ഉടമയ്ക്കെതിരെ പൊലീസ് കേസ്. മഞ്ഞുമ്മലിൽ മുട്ടാർ കടവിലാണ് സംഭവം. രണ്ടു വയസുകാരന്റെ മുഖത്തും കണ്ണിനു താഴെയും തലയ്ക്കു പിന്നിലും കൊത്തി ഗുരുതരമായി പരുക്കേൽപിച്ചെന്ന പരാതിയിലാണ് കേസ്. കോഴിയുടെ ഉടമ കടവിൽ ജലീലിനെതിരെയാണ് കുട്ടിയുടെ മുത്തച്ഛൻ നൽകിയ പരാതിയിൽ ഏലൂർ പൊലീസ് കേസെടുത്തത്.ആശുപത്രി ചെലവും നഷ്ടപരിഹാരവും ആവശ്യപ്പെട്ടാണ് കുട്ടിയുടെ കുടുംബം പരാതി നൽകിയത്.18 നാണ് സംഭവം നടന്നത് മഞ്ഞുമ്മലിൽ താമസിക്കുന്ന പരാതിക്കാരനെയും ഭാര്യയെയും സന്ദർശിക്കാൻ ആലുവയിൽനിന്നു മകളും കുടുംബവും എത്തിയിരുന്നു. അവരുടെ കുട്ടിയെയാണ് കോഴി ആക്രമിച്ചത്. കുഞ്ഞ് അലറി കരഞ്ഞെങ്കിലും കോഴി പിൻമാറിയില്ല. കുഞ്ഞിന്റെ അമ്മ ഓടിയെത്തിയപ്പോഴേക്കുംം നിരവധി കൊത്തു കിട്ടി.അഞ്ചു ദിവസത്തിനു ശേഷം കുഞ്ഞിനെ ഇന്നലെയാണ് ഡിസ്ചാർജ് ചെയ്തത്. ഐപിസി സെക്ഷൻ 324 വകുപ്പു പ്രകാരമാണ് കേസ് റജിസ്റ്റർ ചെയ്തിരിക്കുന്നതെന്നു പൊലീസ് പറഞ്ഞു.
രണ്ട് വയസുകാരനെ പൂവൻ കോഴി ആക്രമിച്ചു;പരാതി നൽകി മുത്തച്ഛൻ ഉടമയ്ക്കെതിരെ കേസ്
