തരൂരിനെ പുകഴ്ത്തി നിയമസഭ സ്പീക്കര് എ എന് ഷംസീര്. താന് തരൂരിന്റെ കടുത്ത ആരാധകനാണെന്ന് ഷംസീര് പറഞ്ഞു. മാഹി കലാഗ്രാമത്തില് കഥാകാരന് ടി പത്മനാഭന്റെ പ്രതിമ അനാച്ഛാദനം ചെയ്യുന്ന പരിപാടിയിലാണ് ഷംസീര് തരൂരിനെ പുകഴ്ത്തിയത്. തരൂരിന്റെ മലബാർ പര്യടനത്തിൽ കോൺഗ്രസിലെ ഗ്രൂപ്പുകൾക്കിടയിൽ പരസ്യമായ എതിർപ്പുകളും വിമർശനങ്ങളും ഉയർന്നതിന് പിന്നാലെയാണ് സ്പീക്കറുടെ പ്രശംസ എന്നതും ശ്രദ്ധേയമാണ്. അദ്ദേഹത്തെ വേദിയില് ഇരുത്തിയായിരുന്നു സ്പീക്കറുടെ പരാമര്ശം. ശശി തരൂര് ലോക പ്രശ്സ്തനാണ്. താന് അദ്ദേഹത്തിന്റെ കടുത്ത ആരാധകനാണെന്നായിരുന്നു ഷംസീറിന്റെ വാക്കുകള്.
തനിക്ക് വേദി തരാതിരിക്കാൻ ചിലർ പ്രവർത്തിച്ചുവെന്ന് ശശി തരൂർ എംപി ആരോപിച്ചിരുന്നു. തന്നെ പരിപാടിയിൽ പങ്കെടുപ്പിക്കാതിരിക്കാൻ ചിലരുടെ മേൽ സമ്മർദ്ദം ഉണ്ടായി. ട്വീറ്റിലൂടെയാണ് വിലക്ക് വിവാദത്തിൽ ശശി തരൂരിന്റെ പ്രതികരണം. കോഴിക്കോട്ടെത്തിയ തരൂരിന് നൽകിയ സ്വീകരണത്തിൽ പ്രവർത്തകരുടെ ആവേശം വ്യക്തമാക്കുന്ന ദൃശ്യങ്ങളും തരൂർ ട്വീറ്റ് ചെയ്തിട്ടുണ്ട്.
ശശി തരൂര് ലോക പ്രശ്സ്തൻ;പുകഴ്ത്തി ഷംസീർ
