കുന്ദമംഗലം: കുന്ദമംഗലം ഉപജില്ലാ ശാസ്ത്ര, സാമൂഹ്യ ശാസ്ത്ര, ഗണിത, ശാസ്ത്ര, പ്രവൃത്തി പരിചയ, ഐടി മേള മർക്കസ് ഗേൾസ്, ബോയ്സ് ഹയർ സെക്കൻഡറി സ്ക്കൂളിൽ ആരംഭിച്ചു. മുൻ വർശങ്ങളിൽ നിന്നും വിത്യസ്തമായി ഉപജില്ലയിലെ മുഴുവൻ എൽ പി, യുപി, ഹൈസ്ക്കൂൾ, ഹയർ സെക്കൻഡറി സ്കൂളുകളിലെ വിദ്യാർത്ഥികളുടെ പുതുമയാർന്നതും, കൗതുകവും നിറഞ്ഞ നിരവധി സ്റ്റാളുകൾ ഇത്തവണയുണ്ട്.
കേരള ആഗ്രോ ഇൻഡസ്ട്രിയൽ കോർപ്പറേഷൻ ചെയർമാൻ വി കുഞ്ഞാലി മേള ഉദ്ഘാടനം ചെയ്തു. പ്രിൻസിപ്പാൾ എ റഷീദ് സ്വാഗതം പറഞ്ഞ പരിപാടിയിൽ പിടിഎ പ്രസിഡണ്ട് അബൂബക്കർ കുന്ദമംഗലം അധ്യക്ഷത വഹിച്ചു.ഉപജില്ലാ വിദ്യാഭ്യാസ ഓഫീസർ കെ ജെ പോൾ പദ്ധതി വിശദീകരണം നടത്തി. ഗ്രാമ പഞ്ചായത്ത് അംഗം ഷൈജ വളപ്പിൽ, ഗേൾസ് ഹൈസ്ക്കൂൾ പ്രധാനധ്യാപിക എ ആയിഷാബി, എ കെ മുഹമ്മദ് അഷ്റഫ്, സി കെ വിനോദ് കുമാർ, കെ യൂസ്ഫ്സിദ്ധീഖ്, എം എ സാജിദ്, എ പി ജലീൽ ,സി കെ ലൈല എന്നിവർ പ്രസംഗിച്ചു.
