സംസ്ഥാനത്ത് പ്ലസ്ടു പാസാകുന്ന ഏതൊരാള്ക്കും വിദ്യാഭ്യാസ സര്ട്ടിഫിക്കറ്റിനൊപ്പം ലേണേഴ്സ് സര്ട്ടിഫിക്കറ്റും നല്കാൻ പദ്ധതി.മോട്ടോര് വാഹന വകുപ്പ് ഇത് സംബന്ധിച്ച കരിക്കുലം വിദ്യാഭ്യാസ വകുപ്പിന് ഈ മാസം 28ന് കൈമാറും. ഹയര് സെക്കൻഡറി പാഠ്യ പദ്ധതിയില് ലേണേഴ്സ് ലൈസന്സിനുള്ള പാഠഭാഗങ്ങൾ കൂടി ഉള്പ്പെടുത്താനാണ് ശുപാര്ശ. സര്ക്കാര് അംഗീകരിച്ചാല് നിയമത്തില് ഭേദഗതി വരുത്താന് കേന്ദ്രത്തെ സമീപിക്കാനാണ് തീരുമാനം. എന്നാല് 18 വയസ്സ് തികഞ്ഞാല് മാത്രമെ വാഹനം ഓടിക്കാൻ അനുവാദം ഉണ്ടാകുകയുള്ളൂ.പ്ലസ് ടുവിന് ഒപ്പം ഗതാഗത നിയമങ്ങള് കൂടി വിദ്യാര്ഥികളെ പഠിപ്പിക്കും. പരീക്ഷ പാസായാല് 18 വയസ്സ് തികഞ്ഞ് ലൈസന്സിന് അപക്ഷിക്കുന്ന സമയത്ത് ലേണേഴ്സ് ടെസ്റ്റ് പ്രത്യേകമായി എഴുതേണ്ടി വരില്ല. വിദ്യാഭ്യാസ വകുപ്പ് അംഗീകാരം നല്കുന്ന മുറയ്ക്ക് നിയമത്തില് ഭേദഗതി വരുത്തുക.പ്ലസ് ടു പരീക്ഷയ്ക്കൊപ്പം ലേണേഴ്സ് ലൈസന്സ് കൂടി ഉള്പ്പെടുത്താമെന്നാണ് തീരുമാനം.
പ്ലസ് ടുവിനൊപ്പം ലേണേഴ്സ് ലൈസന്സ്;ഗതാഗത നിയമങ്ങള് കൂടി വിദ്യാര്ഥികളെ പഠിപ്പിക്കും
