മുഖ്യമന്ത്രിയുടേയും മറ്റ് മന്ത്രിമാരുടേയും വിദേശയാത്ര വൻതുക ചിലവില്ലാതെയാണെന്ന് ധനമന്ത്രി കെഎന് ബാലഗോപാല്,വിദേശ യാത്രകളും പഠനങ്ങളും സംസ്ഥാനത്തിന് ആവശ്യമാണ്. ലോകത്തുള്ള കാര്യങ്ങൾ കാണാൻ നമ്മൾ പോകണം. അത് പഠിക്കേണ്ടതുണ്ടെന്നും ധനമന്ത്രി കെ എൻ ബാലഗോപാൽ പറഞ്ഞു.ലോക മാതൃകകൾ കണ്ടുപഠിക്കാൻ വിദേശ യാത്രകൾ അത്യാവശ്യമെന്നും കെ എൻ ബാലഗോപാൽ പറഞ്ഞു.കേരളം അത്ര ദരിദ്രമല്ല. മുഖ്യമന്ത്രിയുടെ യാത്ര മൊത്തം ചെലവിനെ ബാധിക്കില്ല. പത്ത് ലക്ഷം കോടി രൂപ ആഭ്യന്തര വരുമാനമുള്ള സംസ്ഥാനമാണ് കേരളം.കേരളത്തിലെ ആളുകള് വിദേശത്തേക്ക് പോകുന്നതും വരുന്നതും പുതിയ കാര്യമല്ല. 1500കള് മുതല് കേരളത്തിന് പ്രവാസ ബന്ധമുണ്ടെന്നും അദ്ദേഹം കൂട്ടിച്ചേര്ത്തു.സംസ്ഥാനത്ത് നിലവിൽ സാമ്പത്തിക പ്രതിസന്ധി ഇല്ലെന്നും ധന മന്ത്രി കെ എൻ ബാലഗോപാൽ പറഞ്ഞു. അതേസമയം ടൂറിസം മേളയില് പങ്കെടുക്കാന് ടൂറിസം മന്ത്രി പി എ മുഹമ്മദ് റിയാസും സംഘവും പാരീസിലേക്ക് പോകും. സെപ്റ്റംബര് 19ന് നടക്കുന്ന ഫ്രഞ്ച് ട്രാവല് മാര്ക്കറ്റില് പങ്കെടുക്കാനാണ് യാത്ര. മുഖ്യമന്ത്രി പിണറായി വിജയനും വിദ്യാഭ്യാസ മന്ത്രി വി ശിവന്കുട്ടിയും അടക്കമുള്ള സംഘം ഒക്ടോബര് ആദ്യം രണ്ടാഴ്ച നീളുന്ന സന്ദര്ശനത്തിനായി ഫിന്ലന്ഡിലേക്ക് തിരിക്കുമെന്ന് റിപ്പോര്ട്ടുകള് പുറത്തുവന്നിരുന്നു. വിദ്യാഭ്യാസ മേഖലയുമായി ബന്ധപ്പെട്ട ചര്ച്ചകള്ക്കാണ് ഫിന്ലന്ഡന്റെ ക്ഷണം. ഫിന്ലന്ഡിലെ നോക്കിയ ഫാക്ടറിയും സന്ദര്ശിച്ചേക്കും. ഫിന്ലന്ഡിന് പുറമേ നോര്വെയും സംഘം സന്ദര്ശിക്കും.
വിദേശയാത്ര വൻതുക ചിലവില്ലാതെ,കേരളം അത്ര ദരിദ്രമല്ലെന്ന് ബാലഗോപാൽ,ടൂറിസം മേളയില് പങ്കെടുക്കാന് മന്ത്രി റിയാസ് പാരീസിലേക്ക്
