സംസ്ഥാനത്ത് ഷവര്മ തയ്യാറാക്കാന് ലൈസന്സ് നിര്ബന്ധം. ലൈസന്സ് ഇല്ലെങ്കില് 5 ലക്ഷം രൂപ പിഴയും ആറ് മാസം തടവുമാണ് ശിക്ഷ.ഷവര്മയിലൂടെ ഭക്ഷ്യവിഷബാധ വ്യാപകമാകുന്ന സാഹചര്യത്തിലാണ് നീക്കം. സംസ്ഥാന സര്ക്കാര് പുറത്തിറക്കിയ പുതിയ മാനദണ്ഡത്തില് തുറന്ന പരിസരത്തും പൊടി നിറഞ്ഞ അന്തരീക്ഷണത്തിലും ഷവര്മ തയ്യാറാക്കാന് പാടില്ലെന്ന് പറയുന്നു.പാര്സല് നല്കുന്ന ഷവര്മ പാക്കറ്റുകളില് ഉണ്ടാക്കിയ തീയതിയും സമയവും രേഖപ്പെടുത്തണം. ഒരു മണിക്കൂറിനുശേഷം ഉപയോഗിക്കുന്നത് ഒഴിവാക്കണമെന്നും രേഖപ്പെടുത്തണമെന്നും സര്ക്കുലറില് പറയുന്നു. തൊഴിലാളികള്ക്ക് കൃത്യമായ പരിശീലനം നല്കണം. വൃത്തിയുള്ള സ്ഥലത്തുമാത്രമേ ഷവര്മ പാചകം ചെയ്യാവൂ. ഷവര്മ നിര്മാണത്തിന് ഉപയോഗിക്കുന്ന സ്റ്റാന്ഡ് വൃത്തിയുള്ളതും പൊടിപിടിക്കാത്തതും ആയിരിക്കണം. ഇറച്ചി മുറിക്കാന് വൃത്തിയുള്ള കത്തികള് ഉപയോഗിക്കണം. ഭക്ഷണമുണ്ടാക്കുന്നവര് ഹെയര് ക്യാംപും ഗ്ലൗസും ധരിക്കണം. തൊഴില്ദാതാവ് തൊഴിലാളികളുടെ ഫിറ്റ്നസ് സര്ട്ടിഫിക്കറ്റ് ഉറപ്പാക്കണമെന്നും നാല് മണിക്കൂറിന് ശേഷം ബാക്കി വന്ന ഇറച്ചി ഷവര്മയില് ഉപയോഗിക്കരുത്,എന്നും സര്ക്കുലറില് പറയുന്നു.
ലൈസന്സ് ഇല്ലാതെ ഷവർമ വിറ്റാൽ 5 ലക്ഷം രൂപ പിഴയും ആറ് മാസം തടവും
