വി ആര് കൃഷ്ണ തേജ ആലപ്പുഴ ജില്ലാ കലക്ടറായി ചുമതലയേറ്റു. ചുമതല കൈമാറാന് ശ്രീറാം വെങ്കിട്ടരാമന് എത്തിയില്ല. എഡിഎമ്മില്നിന്നാണു ചുമതലയേറ്റത്. ചട്ടം അനുസരിച്ച് ജില്ലാ ഭരണാധികാരിയാണ് ചുമതല കൈമാറേണ്ടത്. കലക്ടര് അല്ലെങ്കില് എഡിഎം ആണ് ഈ ചുമതല വഹിക്കുന്നത്. പട്ടികജാതി വികസന വകുപ്പ് ഡയറക്ടറായിരുന്നു കൃഷ്ണ തേജ. പ്രളയകാലത്ത് ആലപ്പുഴ സബ് കളക്ടറായി പ്രവര്ത്തിച്ചിരുന്ന ആളാണ് കൃഷ്ണ തേജ് ഐഎഎസ്.
കലക്ടറായി നിയമിക്കപ്പെട്ട ശ്രീറാം വെങ്കിട്ടരാമനെതിരെ വന് പ്രതിഷേധം ഉയര്ന്ന സാഹചര്യത്തിലാണ് കൃഷ്ണ തേജയെ നിയമിച്ചത്. ശ്രീറാം ഇന്നലെ തന്നെ കലക്ടറുടെ ചുമതല ഒഴിഞ്ഞിരുന്നു. സപ്ലൈകോ ജനറല് മാനേജറായി നിയമനം നല്കിയാണ് കളക്ടര് സ്ഥാനത്ത് നിന്നും ശ്രീറാമിനെ മാറ്റിയത്. സപ്ലൈകോയുടെ കൊച്ചി ഓഫീസിലാവും ശ്രീറാം ഇനി പ്രവര്ത്തിക്കേണ്ടത്.
മാധ്യമപ്രവര്ത്തകന് കെ.എം. ബഷീറിനെ കാറിടിപ്പിച്ചു കൊലപ്പെടുത്തിയ കേസില് പ്രതിയാണ് ശ്രീറാം വെങ്കിട്ടരാമന്. ശ്രീറാമിനെ ആലപ്പുഴ കലക്ടറാക്കിയതിനെതിരെ വിവിധ മേഖലകളില്നിന്നും വന് പ്രതിഷേധം ഉയര്ന്നിരുന്നു. ഇതേത്തുടര്ന്നാണ് ശ്രീറാമിനെ സര്ക്കാര് നീക്കിയത്.
