എകെജി സെന്റര് ആക്രമണത്തിൽ പ്രതിയെ പിടികൂടാത്ത പ്രതിപക്ഷ പ്രതിഷേധത്തിനിടെ പ്രതികരണവുമായി എല്.ഡി.എഫ്. കണ്വീനര് ഇ.പി. ജയരാജന്.സുകുമാരക്കുറുപ്പിനെ ഇതുവരെ പിടിക്കാനായില്ലല്ലോ ” എന്നാണ് ജയരാജൻ മാധ്യമപ്രവര്ത്തകരുടെ ചോദ്യത്തോട് പ്രതികരിച്ചത്. “കട്ടവർക്ക് പിടിച്ച് നിൽക്കാനറിയാം എന്ന് നമുക്കറിയാ”മെന്നും ജയരാജന് അഭിപ്രായപ്പെട്ടു. എ.കെ.ജി. സെന്റര് ആക്രമണം പോലീസ് നല്ലനിലയില് അന്വേഷിക്കുന്നുണ്ട്.
എ.കെ.ജി. സെന്റര് ആക്രമണത്തിനു പിന്നില് ജയരാജനാണെന്ന കെ.പി.സി.സി. അധ്യക്ഷന് കെ. സുധാകരന്റെ ആരോപണത്തോട് ‘സുധാകരന് മറുപടി നല്കാന് ആഗ്രഹിക്കുന്നില്ല. അയാളെ പോലെ തരംതാഴാന് ഞാന് ഇല്ല’, ജയരാജന് പറഞ്ഞു.നടി ആക്രമിക്കപ്പെട്ട കേസില് ദിലീപിന് അനുകൂലമായുള്ള മുന് ഡിജിപി ശ്രീലേഖയുടെ പ്രസ്താവന നിയമ വിദഗ്ദർ തന്നെ പരിശോധിക്കും. സർക്കാർ ചെയ്യേണ്ട കാര്യങ്ങൾ സർക്കാർ ചെയ്യും. കോടതിയുടെ പരിഗണനയിലിരിക്കുന്ന വിഷയമാണ്.
താൻ ആർക്കെങ്കിലും എതിരായോ അനുകൂലമായോ ഒന്നും പറയുന്നില്ല.
പഴയ ഉന്നത ഉദ്യോഗസ്ഥർ ബിജെപിക്ക് വേണ്ടി മത്സരിക്കുന്ന കാലമാണ്. വിരമിച്ചാൽ അവർ വ്യക്തികളാണ് എന്നും ഇ പി ജയരാജന് പറഞ്ഞു.
സുകുമാരക്കുറുപ്പിനെ ഇതുവരെ പിടിക്കാനായില്ലല്ലോ;പോലീസ് നല്ലനിലയില് അന്വേഷിക്കുന്നുണ്ട്,എകെജി സെന്റര് ആക്രമണ കേസില് ഇ പി ജയരാജന്
