വിദ്വേഷ പ്രസംഗ കേസില് പൂഞ്ഞാര് മുന് എംഎല്എ പി.സി.ജോര്ജിന് അനുവദിച്ച ജാമ്യം റദ്ദാക്കാന് ഹൈക്കോടതിയെ പോലീസ് സമീപിച്ചേക്കില്ല.പകരം തിങ്കളാഴ്ച ചോദ്യം ചെയ്യലിന് ഹാജരാകണം. തിരുവനന്തപുരം ഫോർട്ട് പൊലീസ് നോട്ടീസയക്കും. പി സി ജോർജിന്റെ ജാമ്യം റദ്ദാക്കാൻ ഹൈക്കോടതിയെ സമീപിക്കണ്ടെന്നാണ് പൊലീസിന്റെ തീരുമാനം.
തിരുവനന്തപുരത്ത് നടത്തിയ വിദ്വേഷ പ്രസംഗ കേസില് ജാമ്യം ലഭിച്ച ശേഷം പോലീസ് ഹാജരാകാന് ആവശ്യപ്പെട്ട് നോട്ടീസ് നല്കിയിരുന്നെങ്കിലും പി.സി.ജോര്ജ് ഹാജരായിരുന്നില്ല.
പകരം അദ്ദേഹം തൃക്കാക്കര ഉപതിരഞ്ഞെടുപ്പ് പ്രചാരണത്തിന് പോകുകയായിരുന്നു. ഇത് ജാമ്യവ്യവസ്ഥയുടെ ലംഘനമല്ലെന്നാണ് പോലീസിന് ലഭിച്ചിരിക്കുന്ന നിയമോപദേശം.
തൃക്കാക്കരയില് പി.സി.ജോര്ജ് നടത്തിയ പ്രസ്താവനകളിലും ജാമ്യവ്യവസ്ഥയുടെ ലംഘനമുണ്ടോയെന്ന് പോലീസ് പരിശോധിച്ചിരുന്നു. കൊച്ചിയില് നടത്തിയ വിദ്വേഷ പ്രസംഗത്തില് പി.സി.ജോര്ജിന് ഇതിനോടകം ഹൈക്കോടതി മുന്കൂര് ജാമ്യം നല്കിയിട്ടുണ്ട്.
പി.സി.ജോര്ജിന് വീണ്ടും നോട്ടീസ്,ജാമ്യം റദ്ദാക്കാന് പോലീസ് കോടതിയെ സമീപിക്കില്ല
