സംസ്ഥാനത്ത് ഇന്നും ചൂട് കൂടാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ആറ് ജില്ലകളിൽ താപനില രണ്ട് മുതൽ മൂന്ന് ഡിഗ്രി സെൽഷ്യസ് വരെ ഉയർന്നേക്കും. കൊല്ലം, ആലപ്പുഴ, കോട്ടയം, കോഴിക്കോട്, കണ്ണൂർ, പാലക്കാട് ജില്ലകളിലാണ് മുന്നറിയിപ്പ്. സംസ്ഥാനത്തെ മിക്കയിടങ്ങളും താപനില 36 ഡിഗ്രി സെൽഷ്യസ് കടക്കാൻ സാധ്യത ഉണ്ട്.പകല് 12 മണി മുതല് മൂന്ന് മണി വരെ പുറം സ്ഥലങ്ങളില് ജോലി ചെയ്യരുതെന്നും, ചൂട് നേരിട്ട് ഏല്ക്കുന്ന സാഹചര്യം ഒഴിവാക്കണമെന്നും നിര്ദേശമുണ്ട്. സംസ്ഥാനത്ത് ചൂട് വര്ദ്ധിച്ചതോടെ സര്ക്കാരും ആരോഗ്യവകുപ്പും ജാഗ്രതാ നിര്ദേശം നല്കിയിട്ടുണ്ട്.
കഴിഞ്ഞ ദിവസങ്ങളില് ഉയര്ന്ന താപനില രേഖപ്പെടുത്തിയ പാലക്കാട്, വെള്ളാനിക്കര, പുനലൂര് തുടങ്ങിയ പ്രദേശങ്ങളിലുള്ളവര് പ്രത്യേക ജാഗ്രത പുലര്ത്തേണ്ടതുണ്ട്. സംസ്ഥാനത്തെ മിക്ക പ്രദേശങ്ങളിലും താപനില 36 ഡിഗ്രി സെല്ഷ്യസ് കടന്നേക്കുമെന്നാണ് കാലാവസ്ഥ വകുപ്പിന്റെ പ്രവചനം.
