തിരുവനന്തപുരം ആര്യനാട് ഇന്ന് രാവിലെ കെഎസ്ആര്ടിസി ബസിടിച്ച് കാത്തിരിപ്പ് കേന്ദ്രം തകര്ന്നുണ്ടായ അപകടത്തില് പരുക്കേറ്റ് ചികിത്സയിലായിരുന്നു ആൾ മരിച്ചു. ആര്യനാട് ഈഞ്ചപുരം സ്വദേശി സോമന് നായരാണ് മരിച്ചത്. തിരുവനന്തപുരം മെഡിക്കൽ കോളേജിൽ ഗുരുതരാവസ്ഥയിൽ ചികിത്സയിൽ തുടരുന്നതിനിടെയാണ് ഉച്ചയ്ക്ക് രണ്ടരയോടെ മരണം സംഭവിച്ചത് അപകടത്തില് സോമന് നായരുടെ തലയ്ക്ക് സാരമായി പരുക്കേറ്റിരുന്നു. പരുക്കേറ്റ ആറുപേരില് അഞ്ചുപേരും കുട്ടികളാണ്. ഇവരുടെ ആരോഗ്യനിലയില് പുരോഗതിയുണ്ടെന്ന് ആശുപത്രി അധികൃതര് അറിയിച്ചു.
രാവിലെ 8.50 ഓടെ ആര്യനാട് ഈഞ്ചപുരി ചെറുമഞ്ചല് കൊടും വളവിലാണ് അപകടമുണ്ടായത്. നെടുമങ്ങാട് ഭാഗത്തേക്ക് വന്ന കെഎസ്ആര്ടിസി ബസ്സാണ് അപകടത്തില്പ്പെട്ടത്. അപകടത്തില് വെയിറ്റിങ് ഷെഡ് പൂര്ണമായും തകര്ന്നു. ബസ് വളവ് തിരിഞ്ഞു വരുന്നതിനിടെയായിരുന്നു അപകടം. പരിക്കേറ്റവര് തിരുവനന്തപുരം മെഡിക്കല് കോളേജ് ആശുപത്രിയിൽ ചികിത്സയിലായിരുന്നു.
ബസ് അമിതവേഗതയിലായിരുന്നെന്നാണ് ദൃക്സാക്ഷികള് പറയുന്നത്. രാവിലെ സ്കൂളിലേക്ക് പോകാന് ബസ് കാത്തുനിന്ന് വിദ്യാര്ത്ഥികളാണ് അപകടത്തില്പ്പെട്ടതില് അധികവും
