മലയാളികൾ ഏറെ ആകാംഷയോടെ കാത്തിരിക്കുന്ന ചിത്രം ‘മരക്കാര് അറബിക്കടലിന്റെ സിംഹം’ ഡയറക്റ്റ് ഒടിടി റിലീസിന് പരിഗണിക്കുന്നുവെന്ന വിവരവും പുറത്തുവരികയാണ്. തിയറ്റര് റിലീസ് തന്നെയായിരിക്കുമെന്ന് തിയറ്റര് ഉടമകളും ഫിയോക് നേതൃത്വവും നേരത്തെ ആവര്ത്തിച്ചിരുന്നു. എന്നാല് മരക്കാര് ഒ.ടി.ടിയില് റിലീസ് ചെയ്യുന്നത് പരിഗണിക്കുന്നതായി ആന്റണി പെരുമ്പാവൂര് മാധ്യമങ്ങളെ അറിയിച്ചു.. ആമസോണ് പ്രൈമുമായി ചര്ച്ച തുടങ്ങി, റിലീസ് ഇനിയും നീട്ടാനാകില്ല. തീയറ്ററിലും ഒ.ടി.ടിയിലുമായുള്ള റിലീസ് പരിഗണനയിലില്ലെന്നും ആന്റണി പെരുമ്പാവൂര് പറഞ്ഞു . ഒരേ സമയം തിയറ്ററിലും ഒടിടിയിലും റിലീസ് ചെയ്യുന്ന രീതിയില് മരക്കാര് പരിഗണിക്കുമെന്ന് ലിബര്ട്ടി ബഷീര് ഉള്പ്പെടെ പറഞ്ഞിരുന്നു. തിയറ്ററുകളില് നിന്ന് 40 കോടിയോളം അഡ്വാന്സ് സ്വീകരിച്ച സിനിമ ആയതിനാല് ഒടിടിയിലേക്ക് പോകില്ലെന്നായിരുന്നു തിയറ്ററുടമകളുടെ വാദം.
ആമസോണുമായി ചര്ച്ച തുടങ്ങി;’മരക്കാർ’ ഒടിടി റിലീസും പരിഗണിക്കുന്നു
